曾智华 - 戴移动假牙冇口福｜禄禄无穷
曾智华
2022-11-07 00:00 HKT
字體大小
上周一够期做肠镜与胃镜，先一晚泻到脚仔软软，上午空肚走去检验中心。
按指示，剥光猪换橡筋头纸裤，瞓上手术床，护士先替我盖被保暖，然后问：「有冇移动假牙？」
乜系「移动假牙」？即可以随时剥出的假牙。做手术时人全麻醉，会插喉，若假牙甩出顶住喉咙就大件事也。
今日讲起移动假牙，因前晚去私房菜名店「冲菜」晚饭，品尝咗其中一味招牌菜——天九鱼唇红烧肉（图），真系好味到飞起。件件鱼唇有三分一至半吋厚，炆到又稔又入味，起晒胶，肯定骨胶原爆晒表也。
小弟夹起一件放入口，再用牙轻咬，哗！讲起唔信，上下牙立即黐住，要略略用力才能甩开，再𡁻呀𡁻，立时胶质杰挞挞满口腔。
老友，呢味名菜，若有移动假牙在口者整件，肯定出洋相，假牙甩硬！
问老板叶冲：「你喺边度揾到咁多天九鱼唇呀？」
「要四围收㗎碌Sir。好在暂时冇乜人肯做，因烦到抽筋，工夫成箩。事实，亦冇乜人识做，因发一件咁鬼厚鱼唇，好多桥妙㗎！」
呢个靓佬冲，早早经济上晒岸，完全财务自由，竟然日日咁鬼烦去炮制食物，重要服侍班奄尖腥闷客人，攞苦嚟辛。
不过，呢个世界有样嘢实在魅力没法挡——兴趣。能够从事有兴趣工作者，第一不会计较，第二多会成功，这是我的N年见证！
曾智华
按指示，剥光猪换橡筋头纸裤，瞓上手术床，护士先替我盖被保暖，然后问：「有冇移动假牙？」
乜系「移动假牙」？即可以随时剥出的假牙。做手术时人全麻醉，会插喉，若假牙甩出顶住喉咙就大件事也。
今日讲起移动假牙，因前晚去私房菜名店「冲菜」晚饭，品尝咗其中一味招牌菜——天九鱼唇红烧肉（图），真系好味到飞起。件件鱼唇有三分一至半吋厚，炆到又稔又入味，起晒胶，肯定骨胶原爆晒表也。
小弟夹起一件放入口，再用牙轻咬，哗！讲起唔信，上下牙立即黐住，要略略用力才能甩开，再𡁻呀𡁻，立时胶质杰挞挞满口腔。
老友，呢味名菜，若有移动假牙在口者整件，肯定出洋相，假牙甩硬！
问老板叶冲：「你喺边度揾到咁多天九鱼唇呀？」
「要四围收㗎碌Sir。好在暂时冇乜人肯做，因烦到抽筋，工夫成箩。事实，亦冇乜人识做，因发一件咁鬼厚鱼唇，好多桥妙㗎！」
呢个靓佬冲，早早经济上晒岸，完全财务自由，竟然日日咁鬼烦去炮制食物，重要服侍班奄尖腥闷客人，攞苦嚟辛。
不过，呢个世界有样嘢实在魅力没法挡——兴趣。能够从事有兴趣工作者，第一不会计较，第二多会成功，这是我的N年见证！
曾智华
更多文章
