曾智华 - 房署总部阿哥快放位｜禄禄无穷
曾智华
2022-10-28 00:00 HKT
字體大小
一九七八年，小弟到《欢乐今宵》做助导，有一个非常煞食环节，有效到飞起，名《眼中钉》。晚晚何守信大大声嗌——睇唔过眼要出声，快啲寄嚟眼中钉！
「睇唔过眼」的信，雪片飞来！点解？第一，小市民唔识投诉；第二，投诉无门；第三，俾班官当波踢，投诉信只在不同部门游埠。结果， 十之七八肚气。
传媒威力在，投诉有声有画。部门首长，人要面树要皮。兼且，若部门有事唔解决，唱到周街知，你上司及上上上司会点睇呢？故此，凡《眼中钉》个案一出，必火速揾掂。由此，招牌变权威。
不过，你知我知，呢类投诉， 必是鸡毛蒜皮小事，做得多，晚晚重复，已冇乜吸引性。况且，你可做，个个媒介也可做，并非独家，冇乜巴闭？故此，最终仍淡出。
不过，《眼中钉》呢种「传媒监察力」仍长存。呢呢，小弟就正不停被生张熟李要求「仗义执言」。最近一单，有理，即侦查。
几个月前，居何文田区老友话：「碌Sir，我唔系投诉，我系恳求！恳求房署总部班大哥，周日不用上班，唔该放返商场啲车位出嚟俾公众用啫！」
有啲咁事？易！立即用两个周日做侦查。果然，停车场外排大队，停车场内则不少空位（图），房署阿哥放假仍霸住晒啲泊位。喂！此非私人「财产」噃，快放返出嚟！
曾智华
「睇唔过眼」的信，雪片飞来！点解？第一，小市民唔识投诉；第二，投诉无门；第三，俾班官当波踢，投诉信只在不同部门游埠。结果， 十之七八肚气。
传媒威力在，投诉有声有画。部门首长，人要面树要皮。兼且，若部门有事唔解决，唱到周街知，你上司及上上上司会点睇呢？故此，凡《眼中钉》个案一出，必火速揾掂。由此，招牌变权威。
不过，你知我知，呢类投诉， 必是鸡毛蒜皮小事，做得多，晚晚重复，已冇乜吸引性。况且，你可做，个个媒介也可做，并非独家，冇乜巴闭？故此，最终仍淡出。
不过，《眼中钉》呢种「传媒监察力」仍长存。呢呢，小弟就正不停被生张熟李要求「仗义执言」。最近一单，有理，即侦查。
几个月前，居何文田区老友话：「碌Sir，我唔系投诉，我系恳求！恳求房署总部班大哥，周日不用上班，唔该放返商场啲车位出嚟俾公众用啫！」
有啲咁事？易！立即用两个周日做侦查。果然，停车场外排大队，停车场内则不少空位（图），房署阿哥放假仍霸住晒啲泊位。喂！此非私人「财产」噃，快放返出嚟！
曾智华
最Hit
更多文章
