曾智华 - 大姐明感谢公务员｜禄禄无穷
曾智华
2022-09-13 00:00 HKT
字體大小
上周四早上七点几，如常在茶记叹奶茶多士之际，电话响起……咦，边个晨咁早？
睇睇来电显示先！哦……原来「大姐明」林建明，咁就要听嘞。否则，若是三九唔识七的，当然懒理。
「智华呀，我中咗呀……真系好彩！」佢笑骑骑话。
当天早上，人人手机网、电视电台报章皆有报道病毒专家袁国勇教授中招。其实，如今中招，根本乃闲事一宗。
「大姐明，连戴两个口罩嘅袁教授都中啦，如今通街病毒，避无可避，好似我咁，早中早享受，成身免疫力，舒服晒。嗱，你间屋咁鬼大，只得小白同你住，关埋房门七日，当staycation啦，我都系咁搞掂㗎，冇问题㗎 ！」我以自身经验安慰佢。点知……
「你搞错晒啦，哈哈哈（招牌笑声），我唔系中咗病毒，系又中咗牛肉干呀！」
「咦…」睇睇手表：「喂，七点几，边度有咁早抄牌㗎？系咪校巴上落区？」
「工厂区，新蒲岗四美街呀！今朝六点几返工厂大厦个窦搞啲嘢，七点半落街取车，哗哗，乜得咁勤力呀？智华，我好开心呀，因见到香港公务员咁又尽责，效率又高，重有，小妹又可以向库房作贡献。请代我表扬一下抄牌公务员呀！」
大姐明与我，皆抑郁病康复者，深知保持乐观情绪对精神系统非常重要，故乜都笑一餐也。
曾智华
睇睇来电显示先！哦……原来「大姐明」林建明，咁就要听嘞。否则，若是三九唔识七的，当然懒理。
「智华呀，我中咗呀……真系好彩！」佢笑骑骑话。
当天早上，人人手机网、电视电台报章皆有报道病毒专家袁国勇教授中招。其实，如今中招，根本乃闲事一宗。
「大姐明，连戴两个口罩嘅袁教授都中啦，如今通街病毒，避无可避，好似我咁，早中早享受，成身免疫力，舒服晒。嗱，你间屋咁鬼大，只得小白同你住，关埋房门七日，当staycation啦，我都系咁搞掂㗎，冇问题㗎 ！」我以自身经验安慰佢。点知……
「你搞错晒啦，哈哈哈（招牌笑声），我唔系中咗病毒，系又中咗牛肉干呀！」
「咦…」睇睇手表：「喂，七点几，边度有咁早抄牌㗎？系咪校巴上落区？」
「工厂区，新蒲岗四美街呀！今朝六点几返工厂大厦个窦搞啲嘢，七点半落街取车，哗哗，乜得咁勤力呀？智华，我好开心呀，因见到香港公务员咁又尽责，效率又高，重有，小妹又可以向库房作贡献。请代我表扬一下抄牌公务员呀！」
大姐明与我，皆抑郁病康复者，深知保持乐观情绪对精神系统非常重要，故乜都笑一餐也。
曾智华
最Hit
更多文章
