曾智华 - 唔着泳衣着大褛？｜禄禄无穷
曾智华
2022-08-29 00:00 HKT
字体大小
每个早上，小弟最享受边叹奶茶边叹实体报纸，一叹，就是两个小时，吸收无尽资讯，化作写稿题材。
通常，会先快瞄新闻版，睇睇有冇震撼性报道。若冇，立即揭去娱乐版。
系呀，我先睇娱乐版㗎！点解？因唔使用脑。
前两日，张张娱乐版都大大段报道开电视《Summer Girls》，十四位性感女郎，有咁少着咁少见记者，为吸镜头，个个搔首弄姿搏尽。
搞娱乐，高手宣传一定预先放料，分分钟与记者打笼通扯猫尾，以制造话题。
呢个记招，好笑在记者问是否为撼港姐而搞，摆明系，奇在监制又否认。
计小弟话，最佳答法，应该：「系呀，明刀明枪撼港姐呀，否则，使乜搞咁大坛性感骚？到时睇吓边边更高收视啦！」
如此，就会掀起一场牙骹战，抢尽Focus，达至Win Win效果。
记者会中，最富娱乐性为有记者问低B问题：「监制，你叫佢哋着咁性感泳衣上阵，被批评贩卖色情㖞？」
监制笑笑口答：「去海滩做节目，着泳衣有几出奇？」
俾我肥碌答，会话：「记者妹妹，你有冇去过海滩游水？有冇着泳衣？又或，着长大褛落水？着泳衣贩卖色情，咁夏天咪日日十万计人在海滩贩卖色情？当中，可能好多系你亲戚朋友噃。好啦，下次搞《Winter Girls》时，着密实啲啦！
曾智华
通常，会先快瞄新闻版，睇睇有冇震撼性报道。若冇，立即揭去娱乐版。
系呀，我先睇娱乐版㗎！点解？因唔使用脑。
前两日，张张娱乐版都大大段报道开电视《Summer Girls》，十四位性感女郎，有咁少着咁少见记者，为吸镜头，个个搔首弄姿搏尽。
搞娱乐，高手宣传一定预先放料，分分钟与记者打笼通扯猫尾，以制造话题。
呢个记招，好笑在记者问是否为撼港姐而搞，摆明系，奇在监制又否认。
计小弟话，最佳答法，应该：「系呀，明刀明枪撼港姐呀，否则，使乜搞咁大坛性感骚？到时睇吓边边更高收视啦！」
如此，就会掀起一场牙骹战，抢尽Focus，达至Win Win效果。
记者会中，最富娱乐性为有记者问低B问题：「监制，你叫佢哋着咁性感泳衣上阵，被批评贩卖色情㖞？」
监制笑笑口答：「去海滩做节目，着泳衣有几出奇？」
俾我肥碌答，会话：「记者妹妹，你有冇去过海滩游水？有冇着泳衣？又或，着长大褛落水？着泳衣贩卖色情，咁夏天咪日日十万计人在海滩贩卖色情？当中，可能好多系你亲戚朋友噃。好啦，下次搞《Winter Girls》时，着密实啲啦！
曾智华
最Hit
更多文章
