曾智华 - 「一成特首」 ｜禄禄无穷
曾智华
2022-08-26 00:00 HKT
字体大小
近日，可能有个人，非常风骚又心凉，前特首林郑月娥是也。
点解？香港人，经历过林郑五年管治，对佢为人、作风、性格，个个了然于胸啦。
记得在二○一九年至二○二一年之间，佢最谷鬼气的事（之一），为经常有人攞佢同澳门特首贺一诚比较。间中又俾京官窒，暗指：「你睇贺一诚做得几好？立法会早早完善，国安法顺利通过，又冇社会不安，更冇暴动。疫情也控制得非常理想，绝冇爆发……」
心高气傲如林郑，搞到要同埠仔特首比，仲要将佢踩低，条气点顺？尤其，香港医学会会长蔡坚，更「口不择言」，前年一次记者会，被问及点解香港疫情方面处理得咁差，不及澳门时，佢谂都唔谂窒过去：「因为特首唔同！」
哗，呢句立即街知巷闻，林郑啖气，点吞得下？
不过，剧情继续发展，只得「单一工业」——开赌的澳门，因疫情冇得通关，也冇得对外开放，要紧跟「动态清零」，结果，全面阴干！
澳门冇游客、冇赌客，食乜？日日幻想「明天会更好」？等等吓，三年过去，个个官坐困愁城，市民当然嬲到爆，将怒火发向政府，尤其针对贺一诚。如今，澳门人最兴的口头禅：「一成特首管治下，生意变一成、荷包得一成……」
最惨唔知几时才天光。若你系林郑，见到贺一诚「搞成咁」，心态又会如何？
曾智华
点解？香港人，经历过林郑五年管治，对佢为人、作风、性格，个个了然于胸啦。
记得在二○一九年至二○二一年之间，佢最谷鬼气的事（之一），为经常有人攞佢同澳门特首贺一诚比较。间中又俾京官窒，暗指：「你睇贺一诚做得几好？立法会早早完善，国安法顺利通过，又冇社会不安，更冇暴动。疫情也控制得非常理想，绝冇爆发……」
心高气傲如林郑，搞到要同埠仔特首比，仲要将佢踩低，条气点顺？尤其，香港医学会会长蔡坚，更「口不择言」，前年一次记者会，被问及点解香港疫情方面处理得咁差，不及澳门时，佢谂都唔谂窒过去：「因为特首唔同！」
哗，呢句立即街知巷闻，林郑啖气，点吞得下？
不过，剧情继续发展，只得「单一工业」——开赌的澳门，因疫情冇得通关，也冇得对外开放，要紧跟「动态清零」，结果，全面阴干！
澳门冇游客、冇赌客，食乜？日日幻想「明天会更好」？等等吓，三年过去，个个官坐困愁城，市民当然嬲到爆，将怒火发向政府，尤其针对贺一诚。如今，澳门人最兴的口头禅：「一成特首管治下，生意变一成、荷包得一成……」
最惨唔知几时才天光。若你系林郑，见到贺一诚「搞成咁」，心态又会如何？
曾智华
最Hit
更多文章
