Cally - 齐齐去热带雨林探索|商界讲呢啲

热带雨林畀人有一种神秘嘅感觉,而马鞍山MOSTown新港城中心刚巧由8月6日至10月4日化身热带雨林探索大本营,畀大家一边探索,一边学吓生物多样性同保育知识。大家到时可以去到全港首个全方位「昼夜雨林体验馆」,喺唯美光影嘅秘景睇吓1.8米高嘅水獭雕塑,之后仲可以去「雨林动物保育基地」睇濒临绝种嘅动物,了解佢哋独特嘅生态。另外,大本营仲会有由香港大学生物科学学院专家团队管理嘅香港生物多样性博物馆,喺商场举行「博游生物@MOSTown」标本展,畀大家了解到唔同物种嘅特征、觅食行为同生存技俩,一定会好有趣!
Cally
更多文章