Cally - 革新BEAUTY WORLD成新界西北最大美妆专区屯门市广场推NFT专属美妆社群｜商界讲呢啲

商界讲呢啲

Cally

2022-06-23 00:00 HKT

阅讀更多

生活专栏

內容

最近好流行元宇宙概念，个个都想投资NFT。NFT都帮唔少公司开拓咗市场机遇，屯门市广场就重新打造咗美妆专区同BEAUTY WORLD，有超过40个国际知名美容品牌，可以话系新界西北最大美妆据点。佢哋仲推出「『Beauty Me』NFT美妆专属社群」企划，系全港首个商场将虚拟NFT结合实体会员制，同埋首个畀顾客亲手设计专属头像NFT嘅商场，兼且会提供可持续嘅美妆体验同专属优惠。

小妹早排去屯门市广场想行吓美妆专区，去到见到专区地方好大，大概有5万呎同埋有40个国际知名美容化妆品牌，行落好舒服，有唔少美妆护肤产品都想入手！之后同信和集团资产管理董事蔡碧林小姐倾计，佢话上年年底已经开始优化美容专区，成个工程同推广活动总共投资咗接近2,000万，仲同本地绿色NFT平台Articoin创造全港首个商场结合实体会员制而推出嘅环保NFT，喺发展NFT项目嘅同时，减低能量消耗同碳排放，扶助初创公司将理念「落地」畀大众体验应用。佢仲话想吸纳1,000位有消费力、创意同与时并进嘅客户做首批「『Beauty Me』NFT美妆专属社群」嘅一分子，畀大家有唔同嘅购物优惠同扮靓体验。

由即日到7月26号，商场会推出一系列美妆体验同优惠，仲会正式推出「『Beauty Me』NFT美妆专属社群」企划，畀大家自主咁发挥创意设计个人化专属虚拟头像，只要喺BEAUTY WORLD商户即日消费满港币2,000元，就可以将自制嘅专属虚拟头像铸造NFT，成为「Beauty Me」美妆专属社群嘅一分子。今次推出嘅NFT系非交易性质，主要系用嚟做身份认证，所以唔使有加密货币钱包都可以轻松咁拥有NFT，畀有创意得嚟又贪靓嘅人体验吓将实体同虚拟世界接轨。屯门市广场首阶段会送1,000枚NFT，即系会吸纳1,000人做首批「『Beauty Me』NFT美妆专属社群」会员。

有咗NFT嘅人可以有好多独家会员礼遇，包括价值高达港币$1,088嘅迎新礼物、美妆体验、专属美容工作坊同购物优惠等等，商场会喺每月、每季同不定期咁送出各式各样嘅礼遇畀NFT持有人，真系好吸引啊！每个「Beauty Me」NFT仲会喺屯门市广场中庭、全港商场最大嘅540吋超巨型LED大电视展出，畀NFT持有人可试吓以虚拟身份登上大萤幕！

除咗可以整Beauty Me NFT做美妆社群一分子之外，大家都可以去「BEAUTY WORLD Pop-up」设计唔同造型嘅个人化头像，只要凭指定S＋ REWARDS点数仲即场可以印你嘅个人专属闪卡。
Cally