曾智华 - 温柔火爆两噪伯｜禄禄无穷
曾智华
2022-06-09 00:00 HKT
字体大小
叹早餐，我朝朝选择同一餐厅，坐同一位置，食同一个A选择：奶茶、斋多士、双太阳蛋及火腿仿鲍鱼通粉。无可能食得晒，故把通粉用自备外卖盒包起成为午餐。
早餐，是我一天的最大享受，三大乐趣：一、叹食物；二、叹报纸（五份！）；三、听两丁火爆阿伯情绪发泄！
你一定会问，听人情绪发泄都系「享受」？变态乎？真系㗎！佢两个七十几岁，满身是火，满口粗言，全部搞笑，都在闹老婆。讲的，无非是日常鸡毛蒜皮小事，但一骂就七情上面，粗口狂喷，似火山爆发。
呢呢，昨朝两个又嚟料。
A伯：大佬呀，男人年纪大，当然机器坏，前列腺发大㗎啦。咁，小便咪玩滴滴仔啰。你估我想嘅咩。顶佢头槌，日日夜夜俾只老虎乸闹，又话我屙唔正，又话我搞到地下湿晒。喂，我次次已经抹返干净，先出嚟㗎啦，但仍然唔满意，话成阵尿味。唉⋯⋯昨早竟下死令，要我下周开始，要学佢坐低小便。喂，老B，我哋男人嚟㗎嘛，有尊严㗎嘛，点可以变女人咁，坐低小便咁冇男性气概，如今日日搞到家嘈屋闭！
B伯：我只老虎乸重恶！昨晚口渴，打开雪柜，随手攞罐嘢饮，哈，结果俾佢省到黐肺，话我偷嘢，真系又要顶佢个头槌！喂喂喂，成头家过去几十年边个养？雪柜啲嘢，边个出钱买？有乜我唔饮得？要申请问准乎？都黐线㗎⋯⋯
你咪睇两个火喷喷阿伯咁劳嘈，以为同家中老虎乸日日扎马。其实，我哋大家街坊，经常碰口碰面。两位燥伯次次拖住老婆手仔行街，唔知几恩爱。所以，谂返佢两个早餐的反差对话，好鬼搞笑㗎！
曾智华
早餐，是我一天的最大享受，三大乐趣：一、叹食物；二、叹报纸（五份！）；三、听两丁火爆阿伯情绪发泄！
你一定会问，听人情绪发泄都系「享受」？变态乎？真系㗎！佢两个七十几岁，满身是火，满口粗言，全部搞笑，都在闹老婆。讲的，无非是日常鸡毛蒜皮小事，但一骂就七情上面，粗口狂喷，似火山爆发。
呢呢，昨朝两个又嚟料。
A伯：大佬呀，男人年纪大，当然机器坏，前列腺发大㗎啦。咁，小便咪玩滴滴仔啰。你估我想嘅咩。顶佢头槌，日日夜夜俾只老虎乸闹，又话我屙唔正，又话我搞到地下湿晒。喂，我次次已经抹返干净，先出嚟㗎啦，但仍然唔满意，话成阵尿味。唉⋯⋯昨早竟下死令，要我下周开始，要学佢坐低小便。喂，老B，我哋男人嚟㗎嘛，有尊严㗎嘛，点可以变女人咁，坐低小便咁冇男性气概，如今日日搞到家嘈屋闭！
B伯：我只老虎乸重恶！昨晚口渴，打开雪柜，随手攞罐嘢饮，哈，结果俾佢省到黐肺，话我偷嘢，真系又要顶佢个头槌！喂喂喂，成头家过去几十年边个养？雪柜啲嘢，边个出钱买？有乜我唔饮得？要申请问准乎？都黐线㗎⋯⋯
你咪睇两个火喷喷阿伯咁劳嘈，以为同家中老虎乸日日扎马。其实，我哋大家街坊，经常碰口碰面。两位燥伯次次拖住老婆手仔行街，唔知几恩爱。所以，谂返佢两个早餐的反差对话，好鬼搞笑㗎！
曾智华
最Hit
