讲是非｜春光明媚还去那里 - 邓达智

智智乐GO

邓达智

2022-03-03 00:00 HKT

阅讀更多

生活专栏

內容

「春有百花秋有月，夏有凉水冬有雪」跟「到处杨梅一样花，天下乌鸦一样黑」，异曲同工，解读着月圆月缺，日出日落。

老友本健体劳模，年多前，身体接连出大状况，无奈提早退休。咱们属既来之则安之族群：有工返工、冇工玩乐、有镬识补、难啃随缘、友朋重之、无朋自重、能不求人、自求多福……一叠连声助右铭并非鸡肋装饰品，实实在在每日力行；fb上载铺文至能反映：花开叶红日落吃喝……啊，还有谈恋爱，关心环境恶化人人温饱有书读（都无需过多，老人家旧时常提点：子弟书读得多并不一定好事，如非读懵人，就系读奸人，边度有咁多明白事理！）

无力心怀天下大事，一介蚁民自豪的不过比一般人走多几里路，去多几个国度，遇过好人好事，洞悉丁点人面世事，吃过世上人民家常菜，分得出好酒与冇咁好嘅酒而已。攒花戴红行船争解缆伪善就睇得多，细细个读通胜《增广贤文》从不明解「山中有直树，世上无直人」，到今天比不明解更升呢：愈见糊涂！

「春花秋月夏水冬阳」至实际……哈，留低咗我老友喺上面O添；清晨时份疴完尿，返上床典嚟典去，不如跟老友网上对谈到天明，好些道理梳顺，大太阳出来让嘴角微笑，总算有益身心。

今朝话题「避疫走路」，话说高薪养残（香港曾自我感觉优越：「高薪养廉」，可惜物转星移），不作为厚禄高官，抗疫抗出大头佛，不少「好X钟意」香港但乡下喺日、台、星马泰、澳纽、英美、欧陆（除咗俄罗斯）……（始终冇人认同非洲、中东同南亚）嘅唔知乜嘢人，第一时间现身香港机场，打卡宣告：睇吓「你哋」个机场几惨？空空如也！忘记佢自己影紧相？定系搞错佢自己系鬼？「嗱嗱临飞曼谷避难先，迟啲等香港疫情好返至再算……」世上贱人莫过于此；乌克兰人不会、台湾人不会、日本人更不会！都系同类镇日口头禅香港咁、咁、咁嘅X街；有冇人回心谂吓；试吓去英国、去日本谋生，可有几人发达，托赖香港市场多年好揾好赚，造就条件「呢度系乡下𠮶度系乡下」等自我水鬼升城隍优越感嘅丁点回馈？

曾几何时，意大利、泰国、美国、英国……接连爆疫，好些地方尸横遍野；你哋当时唔好返去乡下？回港机票炒高多少倍？隔离酒店一房争崩头，不是失忆吧？对一个地方、亲人、爱人、朋友甚至爱犬不离不弃的做人至基本信念何去？何从？香港人真的车毁人亡去到这地步？
邓达智