Executive日记｜大批市民告别分域码头 - KellyChu
KellyChu
2022-02-07 00:00 HKT
字体大小
湾仔海傍近日好热闹，大批市民涌去分域码头(Fenwick Pier），大排长龙，等候入内重游旧地，影相留念，好多人订里面嘅意大利餐厅Gia，叹下最后一次嘅午餐或下午茶，送别呢个曾经华洋共处嘅独特地方。
分域码头位处金钟与湾仔之间嘅填海区，近中信大厦同分域码头街一带。呢个码头由非牟利机构军人辅导会（Servicemen's Guides Association）拥有及营运，喺第二次世界大战后，接待过唔少美国同其他国家军舰嘅到访同给予补给，大批外国水兵经呢个码头进出香港，码头为船员提供多元化服务同旅游指南。
到咗今日，分域码头完成咗历史任务，今天正式关闭，并于本月十一日交还政府，将改建成消防局。由于码头纪录咗香港一段独特嘅历史，好多市民近日去缅怀一番，门外大排长龙。Kelly上周六排咗半小时先入到去，见到装潢好似六十年代咁，好有情怀，而入面商场嘅小店，正在清货大平卖，好多货品原本系吸引水兵嘅手信，好似小古玩、中式摆设、珍珠首饰等。小妹同好多人一样，猛咁影相，留住呢个咁特别嘅历史空间。
Kelly Chu
最Hit
更多文章
