Executive日记｜海关「一姐」何珮珊 旗袍礼服亮丽
KellyChu
2022-01-06 10:29 HKT
字体大小
女性撑起半边天，呢句说话喺香港好啱听，大家不难发现，商场女强人多不胜数，政府高官中亦不乏女将，包括海关关长何珮珊，佢位列特区政府问责官员名单之列，上场之后，即刻发挥女首长嘅独特魅力，首创以旗袍作为女性官员嘅会所礼服，最近出席官式活动，引来艳羡嘅目光。纪律部队中人话俾Kelly知，警方、消防、入境处、海关、飞行服务队等纪律部队，主任级以上嘅职位，可以使用会所，参加宴会同各式活动。自香港开埠以来一百多年以来，各纪律部队都只有男性出任主任级，各纪律部队会所都系男性天下，佢哋出席活动时，会自资造一套会所礼服（Mess Kit），肩膊上会缝上代表官阶嘅徽章，醒神又有型。
直至六十年代尾，警队先至出现第一位女督察，但佢就无学男性自制会所礼服，而系着晚礼服出席会所宴会。呢个情况直至叶刘淑仪喺一九九六年出任入境处长，先至有改变，佢首创上身穿西装外套，下穿长裤，肩上缝上官阶嘅Mess Kit，开咗风气之先，其他纪律部队嘅女性纷纷跟随。海关关长何珮珊来一次开创性嘅发展，佢早前出席交通安全队周年晚宴时候，穿一袭旗袍礼服，特别之处，喺肩上缝上关长嘅徽章，胸上挂上奖章，旗袍颜色绿同黑，依足海关嘅传统。据小妹八卦到，呢件Mess Kit仲系设计师余婳设计嘅，尽显美态。
Kelly Chu 
最Hit
更多文章
