Executive日记——3000幸运儿抽中门票 旅发局跨年演唱会 观众赞实名制打击黄牛
KellyChu
2021-12-09 08:20 HKT
字体大小
旅发局嘅「香港跨年倒数演唱会」，三千张实名制门票以抽奖方式送畀市民，吸引咗逾二十万名市民登记，抽奖结果已经尘埃落定，唔少幸运儿去取票都好兴奋，其中有「姜糖」夫妇话好开心齐追姜涛，亦有中奖幸运儿话睇完骚，直落「跨年Staycation」尽兴，实行玩住跨年！
呢次跨年演唱会，演出阵容鼎盛，人气男子组合MIRROR最受触目，许廷铿、江海迦（AGA）、李幸倪（Gin Lee）、冯允谦、郑欣宜等各有粉丝，抽中实名奖票嘅幸运儿们，当然开心期待啦，包括从未去过跨年演唱会嘅叶生及太太，两人同为「姜糖」，分享中奖感受时难掩兴奋之情，直言「好开心、好惊喜」，大赞实名制有助打击「黄牛党」，「门票系咪免费都系其次，实名制最好嘅就系唔使食黄牛飞，登记都好方便」。
抽中飞嘅区太亦话，会同囡囡一齐睇，笑言自己先系MIRROR粉丝，但好期待其他歌手如许廷铿、欣宜等演出，话好开心今年除夕有得玩实体活动，又乘机亲子！热爱睇演唱会嘅Iris及May「中奖」，高兴到睇完演唱会之后，直落去酒店玩元旦「Staycation」，笑住迎二○二二年咁话。
Kelly Chu
最Hit
更多文章
