Executive日记——戏曲中心下月演出15场 贺任白《帝女花》65周年
KellyChu
2021-12-09 08:19 HKT
字体大小
西九除咗M+博物馆吸引好多人潮圣外，戏曲中心都有唔少好节目。Kelly知道粤剧名家任剑辉和白雪仙演绎嘅唐涤生版《帝女花》，明年就系六十五周年，有粤剧机构准备下个月喺戏曲中心演出十五场《帝女花》，仲会安排学生戏台版及朗读版等，要推广传统艺术，真系要花唔少心思先可以。
香港人总晓得唱一两句「落花满天蔽月光」，《帝女花》就好似代表咗粤剧，地位超然，而任白版本可谓经典。有粤剧工作舍为咗纪念任、白演绎唐涤生版《帝女花》六十五周年，会推一系列项目，回味长平公主与周世显嘅乱世爱情故事；邀请十二位唔同年代嘅粤剧演员演绎末代公主与驸马，剧本仲会重新整理增吸引力。
西九戏曲中心仲会有两日安排《帝女花》学生戏台版、演唱版及朗读版，学生从唔同角度演绎唐涤生作品，拉近粤剧与年轻人嘅距离。Kelly听闻为加强推广，明年会陆续推出跨界别艺术活动，以《帝女花》文本，激发想像，扩阔观众层面。
Kelly Chu
最Hit
更多文章
