Executive日记——主教山配水库 议员促打造「打卡位」
KellyChu
2021-05-06 04:17 HKT
字體大小
逃过滥拆命运嘅深水埗主教山古罗马式建筑配水库，正在做紧加固工程。发展局话，配水库位于地底嘅密闭空间，日久失修，要通过加固工程，改善排水、防水等设施，确保结构安全先得，当局目标系今年底首阶段有限度向市民开放。Kelly好期待，好想去打卡留念。
发展局副局长廖振新话，局部开放之后，仲会推出长远嘅活化方案，会再咨询公众，暂未有时间表。据Kelly所知，配水库所在嘅深水埗，其实系一个文创区，例如系南昌街、基隆街一带，近年自生咗好多咖啡、时装、手工饰物、自制皮具等小店。喺立法会大会上，民建联郑泳舜就建议政府，其实可以将配水库加入文创区，届时一并推广地道嘅文化特色。
经民联梁美芬话，当局可以参考日本经验，将配水库变成电影拍摄景点，打造成东南亚区著名嘅旅游「打卡位」。
商经局局长邱腾华回应话，当局会考虑上述建议，又形容其实两年前已推出过深水埗嘅推广项目，且获部份国际旅游杂志推荐，证明香港嘅本地游有发展潜力。
Kelly Chu
发展局副局长廖振新话，局部开放之后，仲会推出长远嘅活化方案，会再咨询公众，暂未有时间表。据Kelly所知，配水库所在嘅深水埗，其实系一个文创区，例如系南昌街、基隆街一带，近年自生咗好多咖啡、时装、手工饰物、自制皮具等小店。喺立法会大会上，民建联郑泳舜就建议政府，其实可以将配水库加入文创区，届时一并推广地道嘅文化特色。
经民联梁美芬话，当局可以参考日本经验，将配水库变成电影拍摄景点，打造成东南亚区著名嘅旅游「打卡位」。
商经局局长邱腾华回应话，当局会考虑上述建议，又形容其实两年前已推出过深水埗嘅推广项目，且获部份国际旅游杂志推荐，证明香港嘅本地游有发展潜力。
Kelly Chu
更多文章
