Executive日记——团体质疑带来光害 破坏乡村环境 荔枝窝竖立LED屏幕搞边科？
KellyChu
2021-04-07 04:17 HKT
字體大小
唔少市民都爱去郊野亲亲大自然。有团体发现，政府喺荔枝窝村整咗个展示天气资料嘅LED屏幕，质疑会带来光害，破坏乡村环境，成件事冇从游人角度出发。Kelly觉得政府用意系好，但都要多听山友意见，以免好心做坏事！
本土研究社喺facebook专页话，政府喺荔枝窝协天宫同小瀛学校旁边、古榕树对面，竖立咗巨型LED屏幕，「唔讲以为自己去咗麦当劳点餐」。佢哋觉得呢个LED屏同四周围自然环境唔夹，喺远处已见到屏幕「闪吓闪吓」，揶揄好似「漆黑中嘅萤火虫，非常出众」。团体及网民亦质疑仪器日晒雨淋，保养成本一定高。本研社亦喺石涧边发现两米高嘅大型指示牌，又系破坏地貌。
渔护署话，电子屏幕亦有放喺北潭涌同城门，提供当区实时天气消息，亦会播放宣传短片，提示山友遵守山系礼仪同防疫措施；强调会遵守丛林法则，黄昏时候会自动关闭，以免影响野生动物。此外，每个LED屏成本约二十三万元，费用包括设计、生产、安装同三年保养。
其实类似争议事件都发生过，石澳龙脊行山径上月惊现一座木制「龙爪」雕塑，惹来劣评，唔够几日就畀政府拆咗。渔护署解释属试验性质，承认同附近自然环境唔夹。
Kelly Chu
本土研究社喺facebook专页话，政府喺荔枝窝协天宫同小瀛学校旁边、古榕树对面，竖立咗巨型LED屏幕，「唔讲以为自己去咗麦当劳点餐」。佢哋觉得呢个LED屏同四周围自然环境唔夹，喺远处已见到屏幕「闪吓闪吓」，揶揄好似「漆黑中嘅萤火虫，非常出众」。团体及网民亦质疑仪器日晒雨淋，保养成本一定高。本研社亦喺石涧边发现两米高嘅大型指示牌，又系破坏地貌。
渔护署话，电子屏幕亦有放喺北潭涌同城门，提供当区实时天气消息，亦会播放宣传短片，提示山友遵守山系礼仪同防疫措施；强调会遵守丛林法则，黄昏时候会自动关闭，以免影响野生动物。此外，每个LED屏成本约二十三万元，费用包括设计、生产、安装同三年保养。
其实类似争议事件都发生过，石澳龙脊行山径上月惊现一座木制「龙爪」雕塑，惹来劣评，唔够几日就畀政府拆咗。渔护署解释属试验性质，承认同附近自然环境唔夹。
Kelly Chu
更多文章
