Executive日记——医管局营养师教整鸡蛋甜品 有营又好味
KellyChu
2021-03-29 04:16 HKT
字體大小
今个星期日就喺复活节啦，唔知大家会唔会食复活蛋庆祝呢？其实鸡蛋营养丰富，一只中型鸡蛋含人体九种必要胺基酸、维他命同矿物质，一般成年人可以每日食一只。港岛西医院联网营养部推介咗两款蛋类甜品食谱，有营好味，Kelly都准备学整啦！
首先就大家整低脂芝士云朵多士，要准备两只鸡蛋、两片方包、五克低脂芝士、各一茶匙黑胡椒及盐；先分开蛋白同蛋黄，并将蛋白打至挺身，不规则地放喺方包上，再加上蛋黄同低脂芝士碎；预热焗炉至摄氏一百八十度，焗六至八分钟至蛋白呈金黄色就得啦。
讲到蛋类甜品又点少得低卡伯爵茶焦糖炖蛋，先准备五十毫升低脂淡忌廉、一百五十毫升脱脂奶、两至三个伯爵茶包、两只鸡蛋及十克糖；将脱脂奶、淡忌廉及茶包用慢火煮滚，攞出茶包后备用；再加入由蛋黄及糖打至淡黄色嘅蛋液，搅拌均匀；将蛋浆过筛倒入碗中，盖上保鲜纸，用中火隔水蒸十分钟；喺表面洒上砂糖，用火枪烧至焦糖，就大功告成！
Kelly Chu
首先就大家整低脂芝士云朵多士，要准备两只鸡蛋、两片方包、五克低脂芝士、各一茶匙黑胡椒及盐；先分开蛋白同蛋黄，并将蛋白打至挺身，不规则地放喺方包上，再加上蛋黄同低脂芝士碎；预热焗炉至摄氏一百八十度，焗六至八分钟至蛋白呈金黄色就得啦。
讲到蛋类甜品又点少得低卡伯爵茶焦糖炖蛋，先准备五十毫升低脂淡忌廉、一百五十毫升脱脂奶、两至三个伯爵茶包、两只鸡蛋及十克糖；将脱脂奶、淡忌廉及茶包用慢火煮滚，攞出茶包后备用；再加入由蛋黄及糖打至淡黄色嘅蛋液，搅拌均匀；将蛋浆过筛倒入碗中，盖上保鲜纸，用中火隔水蒸十分钟；喺表面洒上砂糖，用火枪烧至焦糖，就大功告成！
Kelly Chu
最Hit
更多文章
