Executive日记——老友撑转型YouTuber 或讲经济同波马 名嘴香Sir月尾「挂咪」
KellyChu
2021-03-02 04:17 HKT
字体大小
每朝喺新城电台开咪嘅名嘴香树辉（香Sir），喺呢个月三十一日完成最后一次节目后，就会同听众讲拜拜。好多朋友知道呢个消息之后，纷纷叫佢「华丽转身」做YouTuber，仲帮佢搞技术装置等。香Sir就话，如果自己开咪，会讲经济、波经同马经㖞。
香树辉话，由二○○一年一月开始为新城电台做晨早节目，不经不觉二十年，逢周一至周五朝朝早校定闹钟四点起床准备，七点钟准时开咪，主持财经台节目《香树辉King King倾》，每朝两个半小时，话自己年过七十，系时候退休。电台揾边个做接班人？佢就唔清楚。虽然佢想退休，但好多朋友反而建议佢系时候发展自己嘅网上节目，有人仲教佢喺屋企如何布置同set镜头，好想佢快啲转型。
Kelly问香Sir有乜计划，佢好放轻咁话，唞吓先啦，就算重出江湖，论政唔系佢首选㖞，「睇过啲人喺网上论政，哗！讲成个几钟，我睇一阵就无时间听落去啦！」如果日后江湖再见，佢话有银行界高层钟意听佢讲波，佢自己又倾向评论吓经济，讲下啲小故事，仲有讲马经都系佢嘅强项，会朝呢几个方面发展咁话，小妹好期待呀！
Kelly Chu
香树辉话，由二○○一年一月开始为新城电台做晨早节目，不经不觉二十年，逢周一至周五朝朝早校定闹钟四点起床准备，七点钟准时开咪，主持财经台节目《香树辉King King倾》，每朝两个半小时，话自己年过七十，系时候退休。电台揾边个做接班人？佢就唔清楚。虽然佢想退休，但好多朋友反而建议佢系时候发展自己嘅网上节目，有人仲教佢喺屋企如何布置同set镜头，好想佢快啲转型。
Kelly问香Sir有乜计划，佢好放轻咁话，唞吓先啦，就算重出江湖，论政唔系佢首选㖞，「睇过啲人喺网上论政，哗！讲成个几钟，我睇一阵就无时间听落去啦！」如果日后江湖再见，佢话有银行界高层钟意听佢讲波，佢自己又倾向评论吓经济，讲下啲小故事，仲有讲马经都系佢嘅强项，会朝呢几个方面发展咁话，小妹好期待呀！
Kelly Chu
更多文章
