Executive日记——邓达智妙手设计港龙空姐服缩腰线拉长腿部比例
KellyChu
2020-10-22 04:16 HKT
字體大小
国泰大裁员，旗下港龙即时停运，走进历史。Kelly同好多人都记得港龙空姐嘅制服好靓，原来出自时装设计师邓达智（William）之手，佢回忆参与嘅过程，因一次搭乘维珍航空见到女空姐「楔恤衫」嘅尴尬场面，于是灵机一触，谂到连身裙嘅设计，仲缩短腰线位，等个个空姐睇起嚟腰短脚长，身材比例靓好多。
邓达智对小妹话，当年为港龙航空谂新制服，系一次好玩嘅经验，当年佢见到环球嘅航空公司空中服务员嘅制服，空姐千篇一律系出面外套，入面白恤衫，再穿裙，佢就谂如何突破。
有一次，William搭乘出名多靓空姐嘅维珍，俾佢见到一个空姐为客人放行季上头顶柜嘅时候，一举手一伸腰，件白恤衫就拉松咗出来，要用手整番埋，喺客人面前好尴尬，佢即时谂港龙嘅新制服唔可以咁，结果佢敲定连身裙嘅设计，好处系唔会有维珍空姐嘅问题，同时可以三十秒快速换衫，等空姐们轻松改头换面送客人落机。
仲有美感方面，William有独到嘅睇法，由于亚洲人多腰长脚短，不似欧美人身材比例腰短脚长，所以佢特登缩短咗港龙制服嘅腰线位一吋，令到睇起来腰短咗，令到脚嘅比例长番，整体变成腰短脚长，外观苗条咗，人人开心。至于空姐围巾采用有苏格兰嘅格仔设计，系代表香港又中又西嘅背景，好有心思。
Kelly Chu
■空姐围巾采用苏格兰格仔设计，代表香港中西合璧背景。
邓达智对小妹话，当年为港龙航空谂新制服，系一次好玩嘅经验，当年佢见到环球嘅航空公司空中服务员嘅制服，空姐千篇一律系出面外套，入面白恤衫，再穿裙，佢就谂如何突破。
有一次，William搭乘出名多靓空姐嘅维珍，俾佢见到一个空姐为客人放行季上头顶柜嘅时候，一举手一伸腰，件白恤衫就拉松咗出来，要用手整番埋，喺客人面前好尴尬，佢即时谂港龙嘅新制服唔可以咁，结果佢敲定连身裙嘅设计，好处系唔会有维珍空姐嘅问题，同时可以三十秒快速换衫，等空姐们轻松改头换面送客人落机。
仲有美感方面，William有独到嘅睇法，由于亚洲人多腰长脚短，不似欧美人身材比例腰短脚长，所以佢特登缩短咗港龙制服嘅腰线位一吋，令到睇起来腰短咗，令到脚嘅比例长番，整体变成腰短脚长，外观苗条咗，人人开心。至于空姐围巾采用有苏格兰嘅格仔设计，系代表香港又中又西嘅背景，好有心思。
Kelly Chu
最Hit
更多文章
