古星辉 - 5G加持智慧办公室 | 乜都5G
讲到普级5G，一般讨论都围绕着如何提升乡郊或偏远地区嘅网络覆盖及速度，对于位处巿区黄金地段或核心商业区嘅甲级商厦，以至近年相继落成嘅超甲级商厦（超甲厦），流动网络及固网汇流，拥有赢在起跑线嘅优势，又系乜嘢光景？
当一个地方已经拥有超级无敌嘅电讯基础设施，客户嘅要求更高一线，电讯商于提供服务方面更须精益求精，力求尽善尽美。繁忙地区系各电讯商必争之地，满布天罗地网；先进嘅5G网络、高速流动宽频、光纤网络及Wi-Fi覆盖，拱照整个区域。
网络覆盖「零死角」
有咁强嘅网络后盾，我哋讲紧要提供嘅已经唔系普通覆盖，而系要做到「零死角」，即系要全面覆盖办公室每一个角落，以支援智慧停车场、智慧物管，以至各式各样嘅智慧办公室方案。配合巨企对企业网络及网络保安嘅唔同需求，我哋更可以为客户打造专属嘅5G专网 。
最近，我哋好荣幸为中环一超甲厦担任指定网络伙伴，肩负着打造划时代智慧办公室嘅大使命。
众所周知，智慧办公室系发展智慧城市嘅重要一环，其环球市场规模估计于今年达516亿美元，预计于2029年增长至976亿美元。一场疫情后，混合工作模式日渐普及，工作场所嘅配套及设备亦趋全数码化，加上数码转型系巿场嘅大趋势，企业积极采取网络保安措施，对于先进嘅智慧办公室解决方案需求若渴。
建基喺拥有世界级通讯设施，网络连接无缝嘅优势下，我哋为企业物色咗一系列方案，打造极致嘅智慧办公室体验。当中最为人所知嘅喺智慧「环境、社会及管治」（ESG）方案。企业透过建立物联网，可遥距及自动调节照明及空调系统，环保之余亦有助打造舒适嘅工作环境。当然，再巧妙融合智慧会议室方案、智慧办公室设备、虚拟桌面、虚拟办公室、人工智能服务大使、智慧自助服务系统等，更能有助企业进一步实现高效率嘅数码管理，达致ESG目标。
能赢在起跑线当然无懈可击，但能力越大，责任越大；要成功，都系果句——「要赢人，先要赢自己」。
和记电讯香港执行董事及行政总裁
古星辉
