古星辉 - AI＋5G与二创版《一人之境》｜乜都5G
人工智能（AI）去年席卷全球，有人话2024年系AI之年，有关技术嘅不断发展及越来越广泛嘅应用，定必为各行各业带来崭新嘅机遇。麦肯锡全球研究院就曾指出，2030年全球AI产值可高达13万亿至15万亿美元。
AI由原生时代嘅人面辨识功能，发展至今日嘅生成式AI、机械及深度学习，有助企业设定自动化工作流程。据闻AI亦即将应用于智能手机，可望加强聊天机械人、拍摄、翻译、笔记，以至整理文本嘅功能，AI手机指日可待。有消息指，巿场上已有公司就「AI smartphone」及「AI phone」等字眼申请注册商标。
唱出家中争宽频之纠结无奈
人工智能近年喺香港亦造就咗有趣嘅AI艺人及歌曲热潮，由AI尹光（光B）翻唱嘅《一人之境》，由于唱腔像真度高，巿井得来却有着先进科技的光环，因而热爆社交平台，本地乐坛更随即有首个「注册AI声音艺人」出现。
公司最近乘AI《一人之境》嘅声势，邀请咗光B为宣传5G家居宽频拍摄全新MV，并由佢真人演绎《一人之境》嘅二创歌曲《一人之境之人人自肥版》。「5G光B」以独特情怀，唱出喺屋企要同自己人「竞争」宽频嘅纠结同无奈；歌词轻松贴地，爆笑又有新鲜感，难怪有网民话系近年难得会足本睇晒嘅广告歌：
「厕格里凝望 玩玩吓game chok吓窒吓
战友也嫌慢 quit晒队好绝望
索爆派粮夜 努力开live偏偏load空气
想擘面跟你死过 独占高速上网」
镜头一转，光B攞住5G神器出现，温情唱出5G家居宽频嘅好处，「一个人无穷broadband至尽兴，经已无用再争先高兴 」、「全凭自己电线Sim卡插上，便已经可上网 」，凸显有5G宽频加持，屋企人就可以各自拥有「一人之境」，尽情无忧释放自己，上网享受me time，体会一个人独处嘅自在时光。
自肥版MV已经喺网上疯传，仲未睇过？快啲去3香港YouTube、facebook及IG频道收睇。
和记电讯香港行政总裁
古星辉
