古星辉 - 5G@果栏｜乜都5G
古星辉
2023-07-28 00:00 HKT
字體大小
平日好多人专程组团，夜麻麻到油麻地果栏团购生果，大批入手贵价西瓜、哈密瓜、日本桃、车厘子、蓝莓等，贪𠮶度价平又新鲜啲。
最近我哋嘅同事亦日日夜访果栏。佢哋T恤、牛仔裤、背囊加平板，仲要一人一箧（装5G路由器），浩浩荡荡，午夜时分走进灯火通明、人头涌涌嘅果栏，唔系团购，系向生果批发商（栏商）推介即插即用，毋须拉线嘅5G宽频。
果栏有200多个摊档，位处油麻地，油尖旺属电讯服务嘅黄金地段，一向系电讯商必争之地，喺网络规划、基建及覆盖方面都尽善尽美，好似我哋喺𠮶度嘅5G覆盖就超过99%。同事睇准呢点，希望能吸引批发商试用5G，迈向数码转型。果栏历史悠久，但随著时代变迁，许多栏商已由新一代掌舵。面对来自超市及其他店铺嘅竞争，仲有数码洪流嘅冲击，许多掌舵人都已采用社交媒体宣传同接单。佢哋有自己嘅网站，用电脑落单、电子支付，对新事物嘅接受能力十分高，其中包括5G。
万物连接 提升效率
为鼓励中、小、微企客户试用5G宽频，我哋提供嘅服务计划门槛富弹性，仲系「真无限」（不设频宽上限）嘅计划；加上安装灵活，穿透力强，能够兼顾铺头嘅死角位，更有效万物连接。因此，好多栏商都乐意试用，以提升工作及营商效率，喺铺度睇片同用社交媒体更新生果资料都快人一步。
我哋嘅同事捉紧机遇，每晚到果栏寻求机会。佢哋趁掌舵人一有时间，就即场示范最新服务，详细讲解，仲帮栏商以5G连接闭路电视系统、镜头、POS收银系统等，方便佢哋工作。我哋好努力喺唔同嘅社区默默耕耘，逐步提升5G嘅渗透率，等各行各业嘅商户，都能受惠数码转型，加快香港迈向智慧城市嘅发展。
和记电讯香港行政总裁
古星辉
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
连锁酒家突发晚市优惠！$198/只起叹全只脆皮皇子猪 指定分店供应！附2大酒楼优惠
2025-11-15 18:10 HKT
抗衰老乳液推介｜日本《LDK》评测10款人气产品 2款获A级 保湿锁水易吸收 第1名只售$81！
2025-11-15 16:00 HKT
更多文章
