白头Lo - 二世古成投资日本房地产大热｜白头Lo海外地产专栏

海外地产专栏

白头Lo

2023-04-15 00:00 HKT

阅讀更多

产经专栏

內容

上次专栏我哋分享过买地建屋呢个新兴嘅投资模式。其实引入呢个概念嘅东日物业最初系作为中介行为民宿设计，其后开始收购旧楼翻新。不过东日认为单纯呢个市场嘅增长回报有局限，就着眼喺每年有3,500万旅客嘅庞大市场，决定将过往两种唔同嘅技术结合，喺大阪买地自建住宅Airbnb项目Queens Park CK Osaka，自此开始咗买地起屋呢个先河。

2年前因为疫情关系东日运用自身嘅经验平价买入二世古比罗夫黄金地段嘅地皮，建成10间600至800呎嘅Queens Park CK Village Niseko Hirafu。呢个地段邻近Grand Hirafu滑雪场，前往Hirafu十字街亦只有3至4分钟车程，对于滑雪爱好者嚟讲胜在方便，所以好快就卖出咗8成，东日亦系现时香港仅有开发当地项目嘅小型发展商。

二世古连续3年成为全日本地价升幅最高嘅地方，但点解二世古会有咁嘅吸引力？上次提过嘅东日物业Project & Development Manager黄冠升(Keith Wong)提到，首先呢度嘅雪相当轻，加上拥有树林嘅环境，对于滑雪爱好者嚟讲唔易受伤之余亦具挑战性。大家可能唔知道呢度最初系由澳洲人开发，所以除咗滑雪场亦开设有唔少酒吧餐厅，提供一站式嘅玩乐消遣嘅地方，因此二世古无论日夜都拥有独特嘅吸引力同异国风情。今年二世古国际级嘅酒店租金每晚可以叫价万几蚊，而平价民宿都要两千蚊起跳。由于货源少，有顾客系6至7年前用700万港币购入500呎单位自用，而家楼价已经升到1,500万港币，上升近一倍，而现时当地楼价需1,000万港币起跳。

黄冠升亦分享咗日本银行做贷款嘅小小心得。日本银行会基于品牌、楼宇质素等因素提供40%至50%楼宇按揭贷款，而发展商提供240日成交期，你可以先入住后供款，等资金调动更有弹性。

日本物业展销会
日期：4月15日及16日
时间：上午11时至下午7时
地址：沙田帝都酒店2楼钻石厅
查询：2111 1748

专注海外房地产多年，掌握最新市场投资走势，逢周六和读者分享讯息。