古星辉 - 频谱费可扣税创三赢｜乜都5G
古星辉
2023-03-03 00:00 HKT
字體大小
上星期出炉嘅《财政预算案》，建议让电讯商就将来投得嘅无线电频谱所俾嘅使用费可以扣税。
业界好高兴当局有聆听我哋嘅声音，相信有关措施，对电讯业、流动通讯客户，以至香港嘅未来发展会带嚟「三赢」嘅局面。
频谱系珍贵嘅社会资源。做流动通讯生意，必须要有频谱，就好似整面包唔可以无面粉一样。频谱对于普罗大众，就好似水电咁重要。以前频谱使用费分15年缴交，但系2007年后当局话要便利行政，要求我哋由分期畀钱改为一次过全数预先俾晒。我哋同意新嘅支付方式，反正钱都系要俾，不过最奇怪嘅系畀钱嘅方式改变咗，但频谱使用费竟然由原本可以扣税变为唔可以扣税。呢种做法唔常见，参考其他地区，近至中国内地、日本、南韩，远至英国、德国、澳洲都唔系咁。
扣税鼓励再投资
多咗呢笔庞大嘅额外税款，令成本增加，压力都咪话唔大。所以上星期频谱使用费可以扣税嘅消息一出，所有行家都好开心，因为悭返嘅资源，可以鼓励业界再投资。
大家成日讲香港「智慧城市蓝图2.0」，而「十四五」规划又建议加快建设数码经济、数码社会，以及支持香港发展为国际创新中心；凡此种种，都有赖世界级嘅5G网络基建。能够畀电讯商节省税款，将资源用返喺业内，对于巩固香港作为国际电讯枢纽，推动及落实智慧城市各项措施有好大帮助。
期望喺落实频谱使用费扣税嘅时候，可以不限于将来投得嘅无线电频谱，等我哋可以善用资源，将香港嘅5G基建做得更有声有色！
和记电讯香港行政总裁
古星辉
业界好高兴当局有聆听我哋嘅声音，相信有关措施，对电讯业、流动通讯客户，以至香港嘅未来发展会带嚟「三赢」嘅局面。
频谱系珍贵嘅社会资源。做流动通讯生意，必须要有频谱，就好似整面包唔可以无面粉一样。频谱对于普罗大众，就好似水电咁重要。以前频谱使用费分15年缴交，但系2007年后当局话要便利行政，要求我哋由分期畀钱改为一次过全数预先俾晒。我哋同意新嘅支付方式，反正钱都系要俾，不过最奇怪嘅系畀钱嘅方式改变咗，但频谱使用费竟然由原本可以扣税变为唔可以扣税。呢种做法唔常见，参考其他地区，近至中国内地、日本、南韩，远至英国、德国、澳洲都唔系咁。
扣税鼓励再投资
多咗呢笔庞大嘅额外税款，令成本增加，压力都咪话唔大。所以上星期频谱使用费可以扣税嘅消息一出，所有行家都好开心，因为悭返嘅资源，可以鼓励业界再投资。
大家成日讲香港「智慧城市蓝图2.0」，而「十四五」规划又建议加快建设数码经济、数码社会，以及支持香港发展为国际创新中心；凡此种种，都有赖世界级嘅5G网络基建。能够畀电讯商节省税款，将资源用返喺业内，对于巩固香港作为国际电讯枢纽，推动及落实智慧城市各项措施有好大帮助。
期望喺落实频谱使用费扣税嘅时候，可以不限于将来投得嘅无线电频谱，等我哋可以善用资源，将香港嘅5G基建做得更有声有色！
和记电讯香港行政总裁
古星辉
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
更多文章
