古星辉 - 如何突破网络樽颈｜乜都5G

乜都5G

古星辉

2022-09-09 00:00 HKT

阅讀更多

产经专栏

內容

5G服务标榜速度高、时延低、万物互联。的确，踏入5G年代，大家嘅数据用量不断增加，仲未计数量与日俱增嘅智慧城市应用，各位有冇担心过日后会太多人用而令服务质素去到樽颈呢？
2025年大规模兴建小基站

有调查估计，去到2026年，全球嘅5G数据用量会去到1,676EB（1EB等如10亿GB），年均复合增长率达到63%。要应付不断上升嘅5G用量，除咗不断增加频谱数量之外，增建基站去分流亦系提升网络表现嘅一个方法，心水清嘅读者可能会问，平时见𠮶啲基站高过个人，唔系每个地方都咁容易加站。其实有一个叫小基站（small cell）嘅东西，佢体积细，用电量又低，好容易加装喺室内同室外，有助解决网络挤塞问题，对提升网络表现极有帮助，所以要应付不断上升嘅用量，密集式兴建5G小基站系一个最有成本效益嘅方案。

呢个调查亦预期，2025年会踏入5G小基站大规模兴建阶段，到咗2027年，全球将会有超过1300万个5G小基站。

到底小基站适合应用喺边啲场景呢？相信大家喺一啲人多嘅场合，例如睇大型表演及运动比赛时，都可能会出现网络挤塞嘅情况，若喺呢啲场地加设小基站，除咗可以提升网络覆盖之余，仲可以同时解决网络樽颈嘅问题。

我哋可睇睇另一个场景，随著全球走向智慧城市，例如一般智慧应用以至车联网等，需要连接至网络嘅装置大大增加，网络覆盖自然更加重要，例如喺电灯柱、交通灯等加建5G小基站，有效提升整个城市嘅网络覆盖。有啲私人机构亦可以透过5G小基站建构私人网络，为佢哋物联网同工业4.0嘅应用提供地毡式覆盖。

虽然5G小基站势将起飞，不过喺设计同性能上将会面临技术挑战。首先，5G小基站要更细更轻，同时支援更大频宽以满足需要。我相信，将传统基站结合小型基站，可以发挥5G最大威力。
和记电讯香港行政总裁
古星辉