古星辉 - 开展5G智慧家居生活｜乜都5G

乜都5G

古星辉

2022-06-24 00:00 HKT

阅讀更多

产经专栏

內容

公司最近喺鲗鱼涌一间大型超级市场开设咗第九间「3 | 智慧百家DigiLive」店中店，不但为超巿嘅家居客户提供流动通讯服务，亦开始咗为好多一家之「煮」，提供智慧家居生活嘅贴士，以及一系列智慧家电。

香港智慧家居市场的盈利预期于2022至2026年的复合年均增长率为11%，估计巿场容量约值2亿3550万美元，活跃嘅家居客户将于2026年增长至40万户，而渗透率则预期由2022年嘅8.8%上升至2026年约14%。
提升效率提高生活质素

5G宽频一插即用、唔使约师傅拉线、喺屋企随时转位都得，速度仲随时快过固网宽频；即使厅同房各摆一个，价钱依然好合理，改变咗好多用户对宽频嘅印象。有咗全屋收到嘅5G宽频，大大扩阔智慧家居生活嘅长、阔、高、深。5G一大优点系能够连接海量嘅装置，而且覆盖范围广，低功耗，系做到万物互联嘅可靠技术。

时至今日，5G不但有助提升工作效率，依家讲紧系提升「生活效率」。上次店中店开幕，我见到同事就衣、食、住、行、乐，陆续搜罗咗适合唔同家居场景嘅智慧装置，介绍俾家居客群。例如与家居保安息息相关嘅智能门锁、摄影机、门钟；有助环境调控嘅智能灯饰、空气净化抽湿机、冷暖风机；仲有一啲好好玩嘅智能宠物用品，例如识得自动「出粮」嘅宠物喂食器及饮水机等。

各种智慧装置，配合智能家居系统，以及5G高速低时延嘅连接，能有效连成家居版IoT，做好自动化安排——几时开冷气、开电视、煮饭、开灯、熄灯，即使人唔喺屋企，都可以用手机或其他流动装置遥控家居，从而善用等车、等人、排队、搭车等碎片化嘅时间，提高生活质素，留返更多「me time」俾自己。

5G无论系支援感应器、应用喺识别AI语音同遥控，都有超卓表现，有助智慧家居生活同数码化生活接轨，期待物联网通用标准「Matter」得以尽快普及，加快智慧家居生活的发展。
和记电讯香港执行董事及行政总裁
古星辉