古星辉 - 方舱有方案增效率｜乜都5G

古星辉

2022-04-01 00:00 HKT

阅讀更多

內容

上星期提过网络商喺社区隔离治疗设施（方舱医院）铺建5G网络，文中提及5G机械人喺方舱医院会帮到手，文章刊登后收到唔少朋友查询，既然大家对5G方案喺呢个应用场景感到兴趣，今日我再举多几个例子，其实能够应用于方舱医院嘅5G方案，又点止机械人消毒咁简单。

方舱医院已相继落成，不过有报道指佢哋正面对人手紧绌嘅问题，与其不断增加人手，可以考虑善用5G方案执行部份工作，腾出人手应付其他工作，可以提升运作效率，全力抗击疫情。
5G视像分析方案

喺方舱医院入面住咗唔少长者，而日前有新闻报道指有长者接受隔离治疗嘅时候跌倒，喺人手不足嘅情况下，可以试吓用5G视像分析方案，只要喺需要留意嘅位置放上热感摄录机，可以即时透过5G网络将影像和数据上传至云端，再透过人工智能运算及分析，当侦测到有人跌倒或其他突发情况，可即时通知控制中心，以便立即处理，成个设置唔使拉线，唔使怕撠亲人，加上用嘅系热感摄录机，唔使担心有私稳问题。
外勤团队即时通讯方案

方舱医院面积庞大，单系落马洲河套区就有11000个床位，喺入面工作嘅医护人员及工作团队间，唔能够单靠打电话或者传统无线电对讲机沟通，需要一个更高效率嘅沟通方法。例如坊间有一种外勤团队即时通讯方案，只需要透过普通智能手机，随时随地透过5G网络使用对讲机或者VoIP通话功能，连买对讲机嘅钱都悭返。再者，呢个方案内置咗即时通讯工具，方舱嘅工作团队可以通讯及分享档案，亦方便传送公告等消息，简化沟通上嘅安排。
5G机械人方案

5G机械人唔止做到消毒同派餐送药，亦可以利用佢哋喺方舱医院为隔离人士量度体温，帮医护人员悭返唔少行出行入嘅时间。如果遇著多人登记入住，5G机械人可以喺入口帮助办理登记，以及提供即时资讯，其实佢哋真系多才多艺。

今次把握机会善用5G方案，对抗击疫情一定有重大帮助。
和记电讯香港执行董事及行政总裁
古星辉