乜都5G｜抗疫「苦」年5G成得令救星 - 古星辉

乜都5G

古星辉

2022-02-11 00:00 HKT

阅讀更多

产经专栏

內容

今日系虎年首度与各位读者见面，恭祝大家虎虎生威！心想事成！如虎添翼！通讯事务管理局喺过年前提到，香港已经有近三成用户用紧5G，我预计呢个数字喺今年上半年可能会有意想不到嘅增长。点解咁有信心？事实上，5G如猛虎，速度快、反应敏捷（极低时延），而嚟紧几个月，有三大诱因造就各位入市嘅最好时机，香港5G渗透率虎年开红盘不是梦。
瞩目手机型号首季登场

手机商已经准备就绪，先有三星喺前晚举行咗旗舰机发布会，宣布即将推出今年Galaxy S22系列旗舰手机，一门三杰满足不同需要，其中Galaxy S22 Ultra嘅S-Pen反应比前更快，系各位攻顶之选。除咗三星，外媒传出Apple将会喺下月8日举行一个网上发布会，报道指出其中一款会系入门版5G iPhone，甚至称佢为新一代嘅iPhone SE。呢个消息如果属实嘅话，对果粉们绝对系好消息，相信可以吸引到更多用家加入5G行列。
「靓频」年内推覆盖再强化

未升级嘅用家，好多都仲会担心覆盖未够全面，其实喺5G推出嘅头半年，覆盖已经同4G所差无几；而去年更有国际知名手机网络质素数据研究公司指出，香港四间网络商嘅5G可用率都打入全球Top 20，称得上系世界级。好似我之前所讲，随住700MHz频段嘅5G「靓频」年内推出市场，呢个低频段频谱渗透力更强更广，可以再强化5G嘅覆盖，嚟紧嘅5G网络只会愈用愈好。
一人一5G宽频　在家抗疫

近日大家闭关在家工作、网上会议或者上网课，都会发现连线质素好重要，例如平日未必太介意屋企嘅Wi-Fi接收差或者唔够快，不过近期成日留喺屋企，自然对网络连线有要求，唔想同屋企人争Wi-Fi，最好当然用5G宽频呢个私人宽频，有咗佢网上开会或上课唔会窒之余，更唔怕影响屋企人上网睇片打机。计我话，一人一5G宽频，好快会成为一个潮流。
和记电讯香港行政总裁
古星辉