头条戏场 - 《鬼咁多大屋》 笑出声的合家欢恐怖片｜头条戏场
头条戏场
2023-08-12 00:00 HKT
字體大小
英文片名叫《Haunted Mansion》，即系迪士尼乐园最受欢迎的经典鬼屋游戏。迪士尼以先进CG特技，将本来俾人玩嘅游戏升级兼改装为惊吓刺激又搞笑的历险电影。虽然话翻拍自2003年，Eddie Murphy主演的同名电影，都系有鬼屋有鬼然后被吓，但新版丰富好多，加咗一堆金像巨星，Owen Wilson、Jamie Lee Curtis、Jared Leto及Danny DeVito等，一屋好戏之人，齐齐讲经又山寨式驱鬼，对白极胶，真系全场keep住笑出声。 （上映中） 撰文︰廖思慧
电影sell惊吓但迪士尼出品都唔会惊得去边，想睇失惊无神恭喜你，又想吓出一身汗嘅，呢套未必满足你。单亲妈妈Gabbie（Rosario Dawson饰）同9岁囝囝Travis（Chase W. Dillon饰）搬入一栋低于市价好多好多嘅大屋，平嘢冇好定律嚟嘅，入屋逗留一阵已知濑嘢，速逃后第二日被逼回归。
高分娱乐片
Gabbie日日被吓，加上个仔超级淆底，惟有揾人帮手，分别揾嚟宇宙级讲经天才，流流哋牧师Kent（Owen Wilson饰）、丧偶灰爆超自然专家Ben Matthias（Lakeith Lee Stanfield饰）、法国七师傅，通灵大师Harriet（Tiffany Haddish饰）及有心脏病唔吓得的历史学家Bruce（Danny DeVito饰），杂牌军组成驱魔大队夺回大屋，过程当然好论尽同尴尬，但同时非常好笑。
电影较预期好睇，特效出色，恶鬼离开大屋恐吓杂牌军最精采，半夜晒冷式吓鬼非常缤纷，加上全片有好多笑位，小笑大笑甚至令你翻笑都有，宣传唔多认真可惜。
最Hit
更多文章
