阿碌开咪｜鼻毛可鼻

名家合集

《名家合集》收录名人文章，分享观点，探讨时事。

2022-07-22 11:20 HKT

阅讀更多

时评专栏

內容

上周小弟中正「六合彩」（COVID），公开后，N咁多人来讯。发觉真系似唱歌仔——你中佢中个个中……即系不少老友就算自己唔中，身边总有家人、同事或朋友中过/中紧。

爆第五波之后，虽由一日万几个「中」落到一千左右，但最近又弹返上三千。加埋加埋，你话几鬼多人中呢。兼且你知我知，好多人中咗，根本几大都唔报。

事实，权威机构也指出，随时有两百几万甚至更多人中过。但患者反应好唔同，有啲颇严重，又发烧又喉咙刺痛兼咳到飞起，有啲则根本中咗都唔知。我则属「中间分界」，中的第一个凌晨喉咙有多少痒及痛，也有标冷汗。之后几日变稳定，只有些微唔舒服，比一般感冒更易忍受。

不过，为家人，当然要：一、上报。二、自我隔离，锁在房中，直至两次检测阴性。

小弟公布中咗后，N咁多人问：「喂，碌Sir，知唔知边度黐条『线』返嚟㗎？」

日日几千人中，通街通巷病毒，鬼知咩？初初病毒出现时，每日只得十个八个，当然容易排查啦。如今爆到七彩，周围系，故此，外国多采取躺平政策——唔理兼唔公布，一于共存！

香港当然要有自己一套——汤同水混合（唔汤又唔水）！

讲讲喺边度惹回来先。上周一齐中的老友「大B」WhatsApp话：「如今染疫，根本属早晚的事，所以大家应该中午出外（搞烂GAG），或可以避过一劫。我非常释然，因早肯定『鼻毛可鼻』，故煮到埋嚟就食，食完就有大段时间放心呢度去、𠮶度去，心态就如此简单！」好嘞，究竟小弟点「中」的呢？冇确定答案，只知上周一食咗餐饭，八人中四个中。当中一个，早两晚与某名人共聚，事后发觉名人翌朝中咗。

你话我阿Q也可，「中」咗一于当享受几日Staycation，静静写下野、睇下戏。事实，过去几日骄阳似火热到黐肺，你叫我出街都唔制。

曾智华

阿碌开咪

资料图片