阿碌开咪｜选举投票率牙骹大战
《名家合集》收录名人文章，分享观点，探讨时事。
2021-11-26 07:42 HKT
字体大小
老友聚头晚饭，为免伤和气，最佳是两杯到肚，爆下无关痛痒秘闻（例如最近N加N咁多人问我，当日梅艳芳参加《新秀歌唱大赛》，究竟边个独一无二、有眼无珠评判，明明佢弹离赢，仍要打个大交叉想踢佢出局？），讲下边度有好食，八下娱乐界、商界、政界等有乜新料等等。
政治？多讲伤和气，也嘥气，避之则吉。
不过，唔讲政治内容啫，估下政治形势可以啩。故此，近日各路英雄饭局，最多人互问系：「下届特首会由边个做？」然后七嘴八舌乱鬼咁猜。
小弟永不参与这个竞猜游戏，因为估乜都绝对多余。你有权决定咩？冇㖞！之但系，你又问唔到决定者，咁就无谓浪费口水啦。昨晚一大群政界、传媒界、学术界及专业界老友开花锦鳝王加古法羊腩煲大餐，食到高潮，我一二三抛出个大家都有兴趣的竞猜游戏：「各位各位，揾啲嘢估下，铺定下餐边个请好吗？」
哗，个个即时摩拳擦掌：「快快快畀题目！」
「就系……估估十二月十九日立法会投票，直选部分，投票率将会如何？」我大大声讲。
建议一出，七嘴八舌，笑死冇命赔。真系断估冇痛苦，竟然由一成到七成都有人估，非常两极化。
结果点呢？由我一锤定音！
「七成就肯定冇嘞，无谓天真，一成则又攞嚟讲啫。咁啦，听晒咁多位意见，我刚刚计出平均数，为两成半！就以此划界线。买上嘅先举手！」（结果，七只手！）「好！买下嘅，就系其他，即五只手！十二月十九日后即知，睇睇下餐七人请五人定五人请七人嘞。」
小弟观察，估超过两成半的七位，包括建制派议员、大集团行政人员、高官及娱乐节目名主持。至于认为两成半以下投票率的，则清一色为资深传媒人。唔……都几有「界别分歧性」㖞。
近日各位可有发觉，大量「期望管理」言论不停涌出？其实这已经有相当大的指标性！睇睇呢铺开乜先？
曾智华
阿碌开咪
立法会选举将于十二月十九日举行。资料图片
最Hit
长者乘车优惠明年4月收紧！长者群组热议「两蚊两折」点样计? 每月限搭240程？北上深圳贵好多？
2025-12-12 17:51 HKT
长寿秘诀｜90岁烘焙师仍出书主持节目 公开3大饮食习惯 保持健康绝不吃1类食物
2025-12-13 10:14 HKT
奇闻秘史︱同治皇帝传染花柳驾崩 慈禧当日点处治「嫖娼指南」王庆祺？
2025-12-13 07:00 HKT
港人重返职场做满1年额外「收政府$2万支票」 附2大中年再就业/求职津贴申请方法
2025-12-12 17:26 HKT
更多文章
