【阿碌开咪】雇主一定要硬食

名家合集

《名家合集》收录名人文章，分享观点，探讨时事。

2020-12-18 10:24 HKT

阅讀更多

时评专栏

內容

香港打工仔，十个起码有八个希望「做生意」，因为见到的大富豪，个个为生意人，所以，产生无限幻想，以为做生意与发达，有一个等号。系真唔系真？香港起码有十万计打工仔尝试过做生意，等佢哋话你知，实情几咁「血淋淋」啦。小弟哎吔试过做生意，之后，百分之一千肯定自己绝冇做生意之能耐及天分，故此立即投降，一世都咪搞！

一般人只见到生意人的风光，赚大钱后的意气风发，但过程呢？有几多人会知道？再者，十个生意人，八个失败兼蚀到裤穿窿，又有几多传媒报道？

打工最过瘾是明买明卖，收工拍拍屁股走人，东家唔打打西家，月尾自动过数出粮。打大集团工，更有齐保险、医疗、补水、花红，雇主又帮你供一半强积金，被炒则按法例补偿……

通常打工仔只多看到自己不利一面，好少睇到有利一面，所以，多数「满肚苦水」，怨天怨地背后闹老细。冇乜啱唔啱，人性也。

做老板又如何？当然好多辛酸，但胜在有机会发达噃。打工想发达？一世唔使谂！食得咸鱼抵得渴，你做得老板，点可以只享受发达风光而唔啃晒所有附带的「苦楚」？

其中一项「苦楚」，原来好多老板唔知，就是你的员工是有「公民责任」的。做个良好公民，责任之一，为随时被法庭召去做陪审员！绝对不可呻！一如员工怀孕及生病，你绝不可以怨，因你是雇主，一定要硬食，一定要畀足人工！员工履行公民责任也如是。若件案「唔好彩」审几个月，你就要照支几个月人工，知冇？唔知？唔愿？咁就咪学人做老板，做回打工仔啦！

今日抽起条筋讲呢个话题，因周梓乐死因研究审讯，竟有个陪审员话雇主要求佢上班。员工上庭做陪审员，就等如上咗班，呢个普通常识都冇，分分钟触犯《陪审员条例》，犯刑事罪行，可判罚款二万五及监禁三个月。

喂喂喂，学人做生意、做老板，咪乌卜卜呀！

曾智华

阿碌开咪

应法庭要求当陪审员是公民责任。资料图片