【阿碌开咪】防疫限聚绝不应「药石乱投」
《名家合集》收录名人文章，分享观点，探讨时事。
2020-11-30 09:12 HKT
字体大小
过去两年，香港多咗大量市民讲粗口，不分性别，不分年龄，不分学历，不分专业……点解，唉……无谓画公仔画出肠了。有点理性及分析能力者，有边个唔知，有边个唔心照？
前晚与两位老友晚饭，其中一个「夜店F」经营酒吧，饮咗两杯（都未饮大呀！），粗口已烧炮仗般喷到似满天星。小弟无意揿佢，更无意劝佢冷静，因任何人「着佢对鞋」，都会㷫到爆炸。想详尽知道点解，大家可上网重温《星岛日报》上周五A19页的一个全版广告，读后必有极大共鸣感。
呢个广告，标题非常震撼：《请救救我们！》，然后三分一版由无数执笠街铺相片拼成一个「苦海图」，真系见之无不神伤。
做人做事，我哋有几句：食得咸鱼抵得渴、出得嚟行预咗要还、受人钱财替人消灾……
全部是心甘命抵接受可能出现的逆境，因为预咗，预咗乜？硬食！
不过，若果情况是「黑狗偷食，白狗当灾」，咁就完全唔同。大佬呀，你犯错，继续逍遥，但就由我孭起灾难后果？呢个系乜嘢逻辑先？
政府防疫限聚，人人都知有需要，但绝不应「药石乱投」，应禁唔禁，唔应禁就一棍扑烂人家饭碗！将心比己，想唔激到爆炸再爆粗就难。
香港自从疫情开始，爆过好多乜乜物物群组。对，早期酒吧业也中过招，不过，一为揾食，二为保护自己，有目共睹，呢个行业非常积极搞防疫。结果，慢慢可以先两人，后四人，先午夜，后凌晨咁，逐步放宽经营，揾啖食。
事实今年九月以来，在持牌酒吧或夜店中，并未出现新冠病毒群组。就算连最多人担心的「万圣节」，欢愉之后也冇事。
岂料唔关酒吧事的跳舞场所出事，政府竟然一棍扫落酒吧业，唔准开！更离奇，「白狗」跳舞场所竟毋须全部关闭。
呢下想唔火都嚟就难！F佬作为酒吧业内领头人物，M到政府个决定飞起，但有根据。且看本周「陈姑娘」又点搞嘞！
曾智华
阿碌开咪
编按原题为「想唔讲粗口都几难」
今年九月以来，在持牌酒吧或夜店中，并未出现新冠病毒群组。资料图片
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
在职家庭津贴2026/27｜4月上调入息资产限额 申请资格/津贴金额/一次性额外款项一文睇清
2026-04-04 11:53 HKT
更多文章
