【阿碌开咪】最受欢迎全国政协
《名家合集》收录名人文章，分享观点，探讨时事。
2020-05-21 12:56 HKT
字体大小
传媒人，一般不喜欢采访人大代表或政协委员，因为十之八九只「紧跟中央路线」，兼且绝大部分为上年纪人物，说话在香港人，尤其年轻人心目中，非常「离地」，听几分钟已打呵欠。
除咗一位，正是星岛新闻集团主席及全国政协常委何柱国。大家一见佢公开讲嘢，就有种期待感、兴奋感，因老何绝对有个人性格，经常话中有话，内藏不少幽默笑料，而佢乃百分百冷面笑匠，窒人时，木口木面，过瘾又抵死。
上星期日，TVB新闻部照例有《讲清讲楚》。呢个节目，非常「建制」，其实冇乜好睇，但刚刚呢集唔同，因嘉宾乃何柱国，咁就要担凳仔，开啤酒，剥花生，准时收看嘞。果然「不负众望」！无论讲《廿三条》立法，讲港澳办、中联办就香港事务发声，讲中学文凭试历史科问题，讲立法会选内会主席，虽然全部也是Line To Take，但就形容生鬼，句句有骨，你不必同意佢，但应赞成由佢口讲出，再引用有趣事例，又系几难辩驳者。
整个访问，大家当然最开怀为见何主席讲「大鸵鸟」林郑月娥。资深传媒人，不少觉得呢位阿姐「非常特别」，「能人所不能」。
例如，作为一个政治人物，接受访问时，竟放三张自己的单人照在旁，颇为「自恋成狂」。
我四十年来，访问过百计香港各界精英，从未见过一位如此「超级自我中心」（Super Egocentric）人物，真个要百分之一千活在自己世界，才有这种「情怀」，令人「打晒冷震」。
一般建制派人物，都不会公开得罪特首，所以谈及这位争议性人物，必定温温吞吞。老何呢？真系句句到肉，正到飞起，包括：我对佢好有意见；搞到社会如此大撕裂竟当冇事发生；用纳税人钱买番少少下跌民望……
最攞命，批评完，竟话：「我唔敢冒犯佢，佢已经喺背脊插咗我好多刀，一刀刀斩落嚟！」
传媒人访问老何，真兴奋死？
曾智华
星岛新闻集团主席、全国政协常委何柱国。资料图片
更多文章
