周显 - 港股弱势券商闭翳｜政政经经
周显
2023-07-27 00:00 HKT
字體大小
有位股票朋友约我去龙华酒店食晚饭，我说：「这是老牌餐厅好有情调，我上次去系同林超荣黎文卓拍片吹水，但系喺沙田，好远噃，我今晚要走三场，点搞？」
朋友说：「乜你唔知佢喺天后开咗分店咩，怀旧装修，仲有海景O添。」话说呢位朋友有间证券行，1997年前揾好多钱，7、8年前开始无钱赚，o依家仲要蚀钱，今次约我原来系想揾买家顶手。
龙华酒店吃乳鸽谈卖盘
他说，「我间行有成3000个客，公司仲有千几万现金，我求其收返现金价值，总之你一年内唔好炒班伙计就得。」我说：「3000个客，死咗𠮶啲计唔计先？o依家仲有几多个活跃炒紧股票？」佢支吾以对。
我又说：「咪系啰，o依家仲有人炒港股㗎咩？个个都炒美股、crypto（加密货币）啦！如果美国24小时全日开市，港股即时死亡O添呀！」
我们叫了招牌炸乳鸽、椒盐豆腐、大良炒鲜奶、菠萝咕噜肉，据讲椒盐豆腐是当年金庸至爱。朋友吃着汁多味美的乳鸽，看着远处的九龙海景，夕阳似有还无，幸好食物好吃，拉高了我们的心情。
周显
最Hit
更多文章
