旺角洗衣街夺命火│ 街坊：一开门就好大烟走唔到匿入厕所 成晚都好惊！
更新时间：10:42 2025-08-01 HKT
发布时间：10:42 2025-08-01 HKT
发布时间：10:42 2025-08-01 HKT
字体大小
旺角洗衣街昨晚发生3死1伤夺命火警。期间近50名住客自行疏散。住在起火单位对面的姓池女住客向本网忆述事发经过仍犹有余悸，她表示，昨晚洗澡后便嗅到大阵𤓓味，「一开门已经好大烟，邻居拍门话火烛叫走，但我哋对正（起火）单位，啲烟冲入嚟，走唔到，惟有用毛巾揳住门罅。我近后巷，于是开晒窗，匿入厕所，过咗一分钟有消防拍门，问我哋有冇事，我话冇事，消防就叫我哋返入屋。」
浓烟密布 女街坊：当时唔知点做好
池女士指当时嗅到好大阵𤓓味，浓烟密布，「我又带住小朋友同只狗，当时唔知点做，但消防员好快，叫我哋可以返入去（屋企），消防知道我哋喺屋企，眼见我哋间屋入面唔系好大烟，于是继续匿喺屋企。后来过咗十多分钟，消防已救熄火警。
相关新闻：旺角洗衣街住宅疑冷气机起火 3男子不治 1女伤2猫死
她续说，与起火单位一家人经常打招呼，惊闻噩耗也感到十分难过，又指昨晚整晚都很惊。「佢哋一家人冇乜特别嘢，话晒住咗咁多年，当然难过。」她说大厦走廊不算多杂物，大厦有定期清理，不会阻塞楼梯，而防烟门亦经常关闭。现时由于公共地方没有照明系统，又非常大阵㶶味，池女士一家要到母亲家暂住。
旺角3死1伤夺命火｜出事时3死者身处相连厨房厕所 老妇在厅逃过死劫
起火的建煌华厦2期住宅楼高33层连天台。每层有八伙单位。起火单位为一个相连单位，约1千呎，有一个客厅，四间房，一个厨房及两个浴室。75岁女户主偕80岁男友及其中一名儿子与6岁曾外孙同住上址单位。
