KellyChu - 明信片寄失13年网络力量寻回岁月印记 | Executive日记

专栏

更新时间：02:00 2025-05-06 HKT
发布时间：02:00 2025-05-06 HKT

　　网络发达，好多人喺社交平台寻人成功，最近有网民上传一封寄错地址嘅明信片，不但让当事人重拾青春回忆，亦令一众网友赞叹友情与科技嘅力量。

　　发文嘅网友指出，13年前屋企收到一封寄错嘅明信片，但因信上冇回邮地址，无法寄回给当事人。最近整理家中杂物，发现明信片一直保存至今，于是决定借助Threads嘅社交力量，希望揾到呢张信片嘅主人。

　　呢张明信片系喺2012年8月从美国加州卡斯特罗谷寄出，卡面图案系赫斯特城堡。从信中内容得悉，寄件人正值暑假旅游，向朋友Jody分享旅行期间见闻，亦谈到暑期功课：「我都想试下成日去朋友屋企同佢做功课温书！咁会开心好多：）」

　　有人留意到呢个thread，并引出明信片嘅收件人「Jody」。Jody留言多谢楼主keep住张明信片，又提到当时应是「中五升中六」嘅暑假，并解释自己为何向往到同学屋企做功课：「暑假去人屋企抄功课是必须的」。她也在帖文中标注咗明信片里面提到嘅同学，几位女生感情不错，仍有联系。

KellyChu

↓立即下载星岛头条App↓