泰国行献出多个第一次李芷晴何沛珈带5套泳衣晒身材

头条日报-娱乐

更新时间：00:00 2023-03-13 HKT
发布时间：00:00 2023-03-13 HKT

旅游资讯节目《请1日假去旅行》逢周四及周五晚上10时30分于翡翠台播映。本周播出的「曼谷篇」，由《香港小姐再竞选》分别获得冠军及亚军的何沛珈（Roxanne）及李芷晴（Stephanie）担任主持。

两位靓女为了这次旅程献出多个第一次，包括首次出埠工作、首次穿泰服等，而最怕畀人摸的Stephanie，更会献出人生首次Spa。去得曼谷当然要吃好东西，两人会为大家推介当地著名美食及食店，包括获米芝莲推介的「妈妈面」。曼谷天气热辣辣，Roxanne和Stephanie齐齐换上泳装，于酒店的泳池沐浴阳光，两位女神大晒美好身段，画面养眼。

Stephanie、Roxanne受访时透露今次准备了5套泳衣，Stephanie笑言拍泳装画面有点担心：「因为最后一日先拍泳装，而泰国啲嘢食实在太好味，真系忍唔到口，所以都惊会有肚腩仔！」
大赞曼谷Spa性价比高

Roxanne则事前做足准备，「最担心嘅嘢就系过年之后食多咗，去之前嘅一个星期就戒口食清啲同埋做运动，仲带埋跑步套装谂住有时间就跑吓步去水肿，不过因为拍摄行程紧凑，所以都完全冇时间去跑步，但系其实每日行咁多路都已经好足够。」除了泳装，两人的校服look亦劲pure劲true，期待指数爆灯。

提到人生首次做Spa，Stephanie笑言最怕被唧及怕痛：「以前细个都有跟屋企人试过揼骨，但就系咁笑，笑到停唔到，最后畀妈妈嫌嘈赶走咗。今次做Spa系比较温柔啲，比我想像中舒服好多，开头掂我时有少少尴尬，但因为太舒服，慢慢都享受。」自称是「骨精」的Roxanne则首次体验泰式Spa，她说：「曼谷嘅Spa啲环境同性价比喺香港好难揾到，𠮶度嘅地方劲大、装修超靓。」