北上发展七个月想赚好多钱糖妹同男友成年冇见感情OK

头条日报-娱乐

更新时间：00:00 2022-11-01 HKT
发布时间：00:00 2022-11-01 HKT

34岁糖妹（黄山怡）跟随合作十几年的经理人过档新公司三大文化，与师兄周国贤成为「一哥」及「一姐」。对于升级做「一姐」，糖妹就耍手拧头否认：「唔好咁讲，阿姐得老板一个，我只系去日本做吓外勤，去埋内地做开荒牛。」真系辛苦晒！糖妹即大笑说：「唔好咁讲。」
采访：方骞平摄影：朱伟彦

糖妹跟老板Flora Kwong合作14年，老板睇住佢大，糖妹从佢身上学咗唔少嘢，最感谢自己的疯狂行为获对方支持，包括出重金让她到日本拍MV。未来她会专注在音乐及艺术发展，更获日本插画家小栗英训为她设计卡通肖像，并会合作推出产品。
另类拍拖法

目前糖妹正筹备推出新歌，其中有首歌由黄贯中作曲，她负责填词：「我好钟意佢啲歌，同佢合作系其中一个心愿，应该几有化学作用。」除此之外，本月糖妹会到广州举行音乐会，亦计划跟林晓峰合作在内地开骚，原来两人于《声生不息》中认识，之前又喺央视一个节目中合作过，笑言两人身高差最夹。

糖妹早在今年3月已放低香港工作北上发展，乘机做乖孙陪伴在广州的婆婆，目标赚多啲钱，为婆婆旧居装修。至于男友方面，坦言有成年冇见面，但她反而不着紧：「佢喺日本做地产发展项目，大家各有各忙，只想事业发展得更加平稳，而且出于成年人嘅尊重，佢唔会淋熄我啲理想，其实每对情侣有唔同嘅玩法，我哋嘅相处好free，大家有共同朋友会互相联系，个圈子好成熟，我哋又觉得咁样几sweet㖞。」