美食迎秋日｜美国餐饮巡礼最后召集多款啤酒推介零酒精开派对一样Fun

Headlife

更新时间：12:46 2022-10-14 HKT
发布时间：12:46 2022-10-14 HKT

未知大家有冇觉得，呢几日朝早起身感觉得阵阵嘅清凉，空气湿度降低咗，秋意开始浓。真系好啦，秋天终于降临，又系享受美食美酒最好嘅时候！

提起美食首先要分享嘅系年度盛事「美国餐饮巡礼（Delicious USA）」已经搞得如火如荼，甚至乎系到达尾声，因为呢次嘅活动系9月16日已展开，一直会延续至10月16日即今个周末，整项活动共有31间食府参与其中，餐厅全部系风格独特嘅，包括意大利菜、法国菜、墨西哥菜、西班牙菜、印度菜等，所以唔好以为全部只系美式餐厅先可以食到今次推介菜呀，不同餐厅都有精选用美国生蚝、美国斧头扒、美国阿拉斯加三文鱼等嘅名菜可以品尝。

咁究竟咁多餐厅可以点预约？除咗上官方网站知道边度有，仲可以上OpenRice《开饭喇！》查询下，原来佢哋今年有合作推出期间限定餐厅优惠㗎。

查询：https://www.delicioususa.com.hk/

除咗美食，美酒亦好重要，今次活动有特选嘅加洲酒俾大家配返相关嘅美食，想知道更多加洲美酒嘅资讯就要留意我哋平日Headlife炮制嘅影片「美酒开箱 https://bit.ly/3T0K53R」啦（卖下广告先......)

如果阁下钟情于啤酒，咁不妨试新嘢，以下推介嘅两款啤酒各有卖点，包括来自新疆嘅驰名啤酒品牌「乌苏啤酒」，已经隆重登陆香港，最独特之处系使用咗新疆独有嘅「楼兰之星」啤酒花，酒花嘅苦味并不明显，以调节中和麦芽嘅甜味，令啤酒清爽，又带有花香。平时有饮开青岛啤嘅话，不妨试试呢款新啤酒。

另一推介就系一切归零嘅「零度嘉士伯」啤酒，标榜着零糖与零酒精度，新配方令卡路里亦大幅降低，因此好适合大家周末打算同屋企人去玩，但又怕酒精影响开唔到车，咁一罐零度嘉士伯就帮到你，一样可以Chill，冇压力，连打完波、开派对等都饮得。

想睇最新消息，立即 like 头条日报FB专页！>>