手术后学懂自我减压何依婷做食物链最低层

头条日报-娱乐

更新时间：00:00 2022-07-07 HKT
发布时间：00:00 2022-07-07 HKT

TVB以剧集《回归光影颂》系列庆回归，出动埋视帝、视后及上位姐仔、小生演出，何依婷于今晚播出的单元剧《神奇的灯泡》中饰演仙女，为失意的周嘉洛、江嘉敏燃点希望。对于被捧「名册」中榜上有名，何依婷笑言：「我个仙女角色系带出被捧嘅同事，我只系食物链最低层！」
采访：方骞平

由陈维冠监制嘅单元剧《神奇的灯泡》由周嘉洛、江嘉敏及郑子诚饰演前路茫茫，各有抱负嘅都市人，由手持「神奇灯泡」嘅仙女何依婷带来希望。由于仙女要从天而降，拍摄时何依婷企喺一盏街灯咁高嘅升降台，因为降落时嘅离心力，吓到佢脚仔软，唔敢向下望。
监制操刀学到嘢

被指受力捧，何依婷谦称咁啱啫，「剧中由我带出故事人物，所以由我去带出被捧嘅同事！」她称此剧重点系监制亲自落场操刀，今次如同跟大前辈学嘢，对演戏重新认识。

何依婷近日除咗主持新节目《魔法伽利略》外，又拍新剧《美丽战场》，提到数月前曾秘密入院接受割除良性肿瘤手术，问到工作量增多，身体能否应付？她表示病后反而学会放轻松：「o依家心态唔同咗，冇以前咁大压力，唔会因做唔到100分而唔开心，明白到只要付出努力就ok！其实做人最紧要系热爱生活，取得身心健康平衡，因为睇通咗，o依家开心咗好多。」