谭杏蓝爆阿妈有多层楼林泳淘身材被拍档攻击

头条日报-娱乐

更新时间：00:00 2022-06-24 HKT
发布时间：00:00 2022-06-24 HKT

「亚洲心动娱乐」继由麦明诗及黄德斌主演嘅自制网剧《逐流时代》后，最近推出综艺节目《你想点呀》，节目由陈雅丽、谭杏蓝（小花）、林泳淘及李贤主持，探讨最贴身热话。小花带笑投诉被3人欺凌：「佢哋成日夹攻我，逼出我好多小秘密。」原来小花有个富妈妈，她更带笑自爆数唔到妈妈有几多层楼。
采访：方骞平摄影：沈健程

节目《你想点呀》将最热辣嘅社会热话摆上枱，如住屋问题、消费券发放、追星狂热、移民抉择、网上欺凌等，由4位靓女主持围炉探讨，林泳淘（Wingto）声称可以零包袱畅所欲言，由于事前做好多功课，今次都学到好多嘢。李贤（Leanne）话有幕后把关，唔怕出错。
偷望林泳淘身材

鬼马小花反而最睇唔过眼Wingto身材咁好，她笑说：「我要攻击佢……身材，佢（上围）好过份，有时坐喺佢隔离都忍唔住会偷望，真系纸包唔住火，唔望好嘥！」Wingto尴尴尬尬，笑言对小花所讲当如赞赏。

Leanne指跟小花合作，带给她们好多快乐，小花却形容自己牺牲好多，尤其讲到香港住屋问题，她被逼攻爆出经已喺业主：「我觉得成功系需母干，最重要有个钟意睇财经台嘅妈妈咁就容易上楼喇，其实咁多年嚟我份粮出喺妈妈个户口，除咗我同姐姐，我唔知妈妈拥有几多层楼，只知道妈妈会继续买楼。」林泳淘及Leanne投以羡慕目光。

另外，Leanne曾被网上欺凌，竟在她姐姐李敏嘅ViuTV新节目度po留言：「唔想见到你妹妹！」令她莫名其妙。