自认野马难顶全靠老公包容 53岁伍咏薇有强迫症生B会变「芬姐」

头条日报-娱乐

更新时间：00:00 2022-04-13 HKT
发布时间：00:00 2022-04-13 HKT

53岁的伍咏薇（伍姑娘）相隔9年再拍摄TVB剧集，更凭《金宵大厦2》中《双鱼》单元的操控狂阿妈「芬姐」，40秒换20次表情大晒演技，获网民激赞，为角色快速减9磅的伍姑娘，辛苦也觉值得。自认紧张大师的伍姑娘，怕癫过「芬姐」所以早就同老公练海棠有共识唔会生B，她形容自己是匹野马，靠老公这个练马师拖住缰绳，对她包容迁就，才能维系23年婚姻。
采访：杜杜摄影：沈健程发型：Debby Kwan@HAiR　化妆：miss 5 studio

伍姑娘也意想不到凭住两集单元剧，会有这么大回响，又承认接拍前好大压力，「我冇乜拍过单元，呢个单元太丰富，系个表情控，癫㗎嘛！人哋可以话你浮夸，都惊拖垮《金宵》呢个有咁多fans嘅神剧，但自己做咗咁多年演员，每个挑战都系推动力。」
减磅脱水变人干

伍姑娘开拍前主动要求减磅，希望外形更切合「芬姐」，「我哋系卖惨，愈惨愈瘦愈可怜，先至呃到社会捐钱畀我哋，虽然监制都话够瘦，但系我好胜，拍嘢又唔钟意食嘢，加上有压力好快跌磅，最尾仲唔饮水，嗒吓就算数，皮肤干晒，所以见到我干争争，现晒啲手筋，瘦咗3、4KG（约9磅），拍到最尾服装同事都话我啲裤松到甩。」近年伍姑娘做主持多过拍摄戏剧作品，她强调最爱始终是演戏，但性格累事令演戏机会大减，「我唔系好适合签死一个经理人200年。珍姐都有话过我，『你拍两、三套就话去旅行，点样捧你啫！』」。伍姑娘坦言性格系咁，「珍姐对我又爱又恨，佢知我系个好乖嘅好演员，但系无奈我系匹野马，你绑死我唔得。」

讲到早前被指到养生中心做「暖宫」疗程似为生B做准备，伍姑娘澄清跟老公早有共识不会生育，因怕做妈妈压力太大，单为子女揾学校已头痛，「我知自己系紧张大师，要求好高，我只猫有几日疴唔到popo，医生畀啲泻药佢食，我都会坐喺沙盘旁望住等佢疴，养猫我都咁样，如果系人我真系会黐线，我已经神经紧张，又有强迫症，生咗就真系变『芬姐』嘞！哈哈！」
讲笑爆同老公房事

1999年7月伍姑娘跟练海棠在温哥华结婚，男方于16年被指背妻偷食，她承认两人有风波，但冇提过离婚，「第一件事问自己系咪我问题，老咗定点呀？行为上有啲乜嘢？大家倾啰！就算系走都倾掂咗先走，当然我唔想透露我哋倾咗啲咩。」早前伍姑娘受访时透露跟老公性生活已减少，「8年都有一次」，她澄清只是讲笑，「你要求访问我，冇要求我答咩。（老公介唔介意咁讲？）佢唔介意，佢都觉得我癫，讲笑啫！如果我话每日一次你就惊啦！」

讲到维系秘诀，伍姑娘感激老公一直包容，「我呢匹野马都冇谂过可以同一个人类维系到咁多年，对住一个人廿几年都几难顶，我讲佢呀！我难顶㗎！佢受靶多，佢系好斯文嘅人，唔钟意嗌交，佢迁就我多，但我都唔系𠮶啲钟意闹交嘅女人。多谢佢包容，我系只野马，缰绳真系好易甩，佢o依家唔系骑住我，佢系拉住我行沙圈，佢系马伕？咁我系咩？哈哈！佢系姓练嘅练马师，哈哈！我同佢关系就系好好嘅朋友，好好嘅生活伴侣，好好咁样生活落去。」