【Juicy叮】遇上车买家失业不获按揭恐挞订换楼业主崩溃惊积蓄无晒

港闻

更新时间：16:06 2021-02-11 HKT
发布时间：15:14 2021-02-11 HKT

有业主打算卖旧楼换新楼，却遇上买家财困。示意图片

近月楼市活跃，但有打算楼换楼的女业主在网上求助，称遇上车年轻买家停薪不获银行批按揭恐要挞订，她亦已经签约购入另外一处新居，新居上手业主也是同步卖楼换楼，一旦资金周转不灵惊火烧连环船。买家「真系问我借钱，佢话真系筹唔到钱，可唔可以借几万蚊畀佢」，令她大受打击，「大把人楼换楼都无事，系我咁黑撞著呢啲无脑买家」、「睇佢咁样真系分分钟累到我储咗咁多年既积蓄一下子无晒」。

女业主在「亲子王国」讨论区内发文，指「新买家突然同我讲佢按揭出现问题，分分钟搞到我新买入𠮶度都要挞订，好惊呀」她又斥，「我都唔明啲人点谂嘢，服务业停薪都唔系一两个月既事，咁你都谂买楼，系你有问题㖞，依家仲要累死我」。

女业主十分无奈，2边都交了「大订」，新买家申请按9成，她本人则申请按6成，新居已经借匙装修预料4月中成交。女业主解释，「佢（买家）开头父母系畀一成首期佢，不过原来佢担保人系做美容业，停业咗咁耐，佢都够胆坐定粒六，而且买家本身只系一个揾万几蚊嘅年青人。佢呢个人工银行只系批到佢百几万按揭，所以佢一系要揾到新嘅担保人，一系佢要做六成按揭自己呕四成，佢而家就嚟筹到四成首期，不过有三十万已经系要问人借」

她又透露，年轻买家是受经纪「跣佢」，「佢第一次买楼咩都唔识，依家出事完全唔理佢，佢都好无奈，同埋呢个agent有前科，行内出晒名，仲上过新闻」。

女业主呻，祸不单行是「原来我新楼个业主同我一样，未成交就已经落咗新楼订，依家又烧多条船，唔知点死，人地仲要买贵楼」，「现在唯一嘅方法就系我呢个买家成功上到会，如果唔系点计都死，净系印花税如果15％要硬掘嘅话讲紧要洗多近百万冇得退」，她「除咗挞定别无选择，因为讲紧我要筹嘅钱系拍得住我新楼full pay，如果我呕得出就唔使冒险啦」，「我成晚训唔著真系精神，压力崩溃。我自己按揭已经批咗，我资料齐全乜都准备好，原先重开开心心咁借匙装修，临清拆𠮶一刻突然同我讲新买家批唔到按揭，真系晴天霹雳。天啊！why me」。

事件引发网民热议，有过来人说「其实2边都惨，快啲谂办法啦，我都刚成交了之前间屋，我一直都唔敢畀新果度住，就系怕呢件事发生，我收哂钱而家可以安落去睇楼」。

有人则批评发文者，「自己层楼都未搞掂，懒醒咁走佢即刻买第二间，呢个风险其实你自己都要自负啰，仲好意思话人哋用𠮶度谂嘢。」、「楼换楼就有呢啲风险，你自己都有责任，佢都唔想无咗份工。而你都唔想呢个买家最后买唔到楼，你地都系一样咋」