拍《七公主》暴瘦入晒戏监制陈维冠赞翠如演技有进步

头条日报-娱乐

更新时间：04:18 2021-08-20 HKT
发布时间：00:00 2021-08-20 HKT

　　由陈维冠监制的TVB新剧《七公主》上周首播，该剧以黄翠如做「胆」拖高海宁、林夏薇、江嘉敏、陈滢、刘佩玥和邝洁楹主演，陈维冠大赞黄翠如演技有进步，好入戏。就外间对翠如演技嘅批评，陈维冠代为平反：「冇乜人天生识做戏，在乎个演员对角色了解有几多！」采访：方骞平摄影：梁志明
　　黄翠如喺剧中饰演凉薄、表面不近人情嘅大律师，颠覆黄翠如温暖、乐观嘅性格。陈维冠坦言最钟意另一种玩法，畀人睇到佢嘅另一面，务求观众睇得过瘾，演员演得过瘾，幕后拍得过瘾：「所以开拍前我要求佢切合角色再落磅，只要有一日连佢妈妈都担心佢有事，就代表佢够入戏同埋成功咗！果然不出所料，翠如妈妈见个女日渐暴瘦，有追问翠如系咪有乜唔妥？所以我同编审郑成武对翠如演出都好满意。」
睇好邝洁楹
　　陈维冠仲花多咗时间同翠如围读及研究角色，令她更吸收有深层次演出：「我觉得呢个演员受太多批评，压力大到透唔到气，其实做呢行要忠于自己，佢嘅初心系做好戏，所以唔使谂太多，我亦唔使同佢做心理辅导，重点系消化剧本同理解角色。」至于武哥大赞翠如肯用心及努力做戏，态度正面，点解唔畀机会佢发挥？」另外，陈维冠大赞邝洁楹够醒目又几入屋，睇好佢系明日花旦；而陈滢素颜演穷家女，系好暗黑嘅角色，陈维冠笑说：「本身要求佢又瘦又干，点知佢喺加拿大食肥咗返嚟，所以话好对唔住我。」