拍《不日成婚》首演夫妻谈善言畀朱栢康赞到好怕丑

头条日报-娱乐

更新时间：04:18 2021-03-12 HKT
发布时间：00:00 2021-03-12 HKT

　　谈善言（阿谈）和朱栢康（朱康）首度在新戏《不日成婚》饰演夫妻，戏中阿谈食住朱康，仲不时对他拳打脚踢，关系女尊男卑。不过私底下两人合作得相当愉快，阿谈很欣赏朱康够喜感，帮到她这个喜剧初哥入戏；而朱康就赞阿谈样样都咁正，超多优点，令平时cool cool哋的阿谈即时变了个怕丑女，唔识点样反应。撰文：杜淑霞摄影：李维隆
发型：Larry Ho @ Aveda IL COLPO(阿谈)、Ginny@hairculture(朱康)
化妆：German Cheung(阿谈)、Maggie Lee(朱康)
服饰：英皇珠宝、Chole(阿谈)、Gieves & Hawkes(朱康)　场地：英皇钟表珠宝中环旗舰店
　　阿谈和朱康早在ViuTV剧《打天下》合作，但对手戏不多，而且关系刚好相反，阿谈说：「上次《打天下》佢凶我，今次主要我凶佢。（唔止凶！）咁一个愿打一个愿挨。」笑朱康个样唔似好愿意，阿谈即时入戏，「你唔愿意咩？」朱康即交戏搭住阿谈膊头话：「愿！愿呀！我觉得拍嘅时候打得唔够O添呀！佢已经就住我，我觉得要真打！（观众想睇㖞！）咁不如o依家啦！」阿谈即时扮打朱康，好搞鬼！
　　看两人默契十足，就知合作时应该相当愉快，少拍喜剧的阿谈最欣赏朱康的喜感，「我个人好死板，只识照住剧本去做，但系佢喜感好强，可以加好多嘢，我好彩系同佢做，佢可以帮番我。有场戏讲佢买凤凰卷畀我，其实系take我，但系佢畀咗好多微表情我，搞到我take咗好多take，因为忍唔住笑。」除了够搞笑，阿谈仲发现朱康体能劲，「有场戏要佢不断除衫又冲又跳，情绪又好紧张，仲要系一shot落，因为有好多嘢要配合，佢做咗10几个take，真系标晒汗，但佢每个take都系咁多energy，所以佢体能真系好好。」
　　到朱康讲阿谈，他甫开始就俾阿谈投诉，「你做咩唔望住我讲！？」朱康唔理她话：「我成日同导演讲佢零死角，佢已经有个先天杀食嘅位……靓！观众都钟意睇啲靓嘅嘢。但靓唔够㗎嘛！好多人觉得我靓咪得啰！但系佢唔系，佢努力，佢有睇法，佢有好高水准嘅表演能力，咁你有咩讲？你冇嘢讲㗎！」畀朱康狂赞，搞到平时好硬净的阿谈，顿变怕丑女话：「我惊你阵间行入去唔系咁讲！」朱康好认真，「我真心㗎！（谈：我好惊！）惊咩！系就系啦！」