三代同堂拍广告罗敏庄为女留可爱声出碟

头条日报-娱乐

更新时间：04:17 2018-10-03 HKT
发布时间：00:00 2018-10-03 HKT

　　罗敏庄（Mimi）最近跟老公陈国邦、囡囡陈禛和妈咪三代同堂为保险公司拍广告，Mimi笑指妈咪后生好靓女，更大赞这个「何文田狄波拉」首次幕前演出够自然。至于Mimi爱女陈禛继去年圣诞出歌后，近日正式推出唱片《HELLO FIVE》，Mimi强调只为留住囡囡可爱歌声作纪念，故不会刻意宣传谷销量。采访：杜淑霞
　　最初获邀三代同堂拍广告，Mimi都不敢相信，「妈咪后生好靓女，我封佢做『何文田狄波拉』，但系最初都担心，始终妈咪冇演出经验，唔知应唔应付到，唔好话妈咪，其实阿女都唔系太识演戏，好在广告商只要求我哋好似平日咁相处，佢哋再去捕捉，唔使刻意做啲咩，佢哋做番自己就自然好多。」
担心囡囡黐脷筋
　　讲到囡囡陈禛出唱片，由于赶不及去年圣诞推出，只制作了一首歌送给朋友纪念，最近唱片《HELLO FIVE》终于面世，除收录了8首英文歌，更有该8首歌伴奏音乐，原来这是Mimi刻意安排，「其实阿女好多歌都喺学校学识唱，特别系啲英文旧歌，所以要求唱片公司加埋伴奏音乐，等啲小朋友可以自己跟住唱。」Mimi更自爆录音时发现囡囡咬字不清，要急揾人帮手，「阿女3个月大时，我妈咪发觉佢有啲黐脷筋，𠮶时就做咗手术，但系录音时都发觉佢仍然有啲口齿不清，都担心佢系咪黐脷筋呢？于是揾咗个语言治疗师帮手，学咗几堂就OK，所以碟里面会听到佢有啲歌咬字清楚啲，有啲冇咁清楚㗎！我觉得纪录低佢嘅转变同成长几得意。」