爆囡囡无兴趣睇爸爸演出罗敏庄陈国邦由朝锡到晚

头条日报-娱乐

更新时间：04:18 2018-09-22 HKT
发布时间：00:00 2018-09-22 HKT

　　拥有幸福家庭的陈国邦在刚播毕的ViuTV剧集《身后事务所》中破格演出「基民」，跟徐肇平有段同性爱情。除获网民赞好外，作为老婆兼小Fans的罗敏庄（Mimi）都被老公的演出所感动，畀他超过100分：「佢锡Jeremy(戏中徐肇平角色)系爱嘅表现，锡佢就好似锡紧我咁，我反而冇留意佢锡紧嘅对手系男定女。」她还自爆和老公由朝锡到晚，好有爱。采访：方骞平

　　对于老婆赞赏，陈国邦就冷静地说：「撇开系咪同性恋，都系爱嘅表现，正如爱猫狗，好自然会锡佢哋一样，所以同徐肇平揽揽锡锡，甚至床戏都可以好自然流露，当然，正如老师所讲演出系缺憾艺术，只可以喺有限条件下做最好，睇返会觉得未够好，再做可能会更细致。」Mimi即赞返老公：「但我同朋友都睇到好感动，因为佢演绎嘅系平日对我做嘅嘢，我哋早晚、瞓前、就算路过都会咀啖，有时连囡囡陈禛睇唔过眼会喊停话：『够嘞！』哈！我哋唔介意喺指引下畀陈禛睇爸爸点样去演同性恋者角色，反而系佢无兴趣去睇。」
　　目前Mimi主要靠登台赚钱，带队到泰国睇楼只为兴趣，暂时未系回报时候：「因为要搞好成交，分到佣，再同地产公司拆帐，点够唱歌好赚？只不过睇泰国楼系兴趣嚟，既然冇能力再负担香港楼唯有睇远啲，不过我哋好好彩，早年买落复式村屋单位都叫有瓦遮头，唔使忧，o依家连500万嘅上楼盘都买唔起喇。我哋两公婆有个终极目标，等时囡囡出外读书，我哋唔使做可以喺泰国嘅小岛度过住写意退休生活。」