同事娶新抱做奶奶全公司派帖 打工仔惨问使唔使做人情？｜Juicy叮
发布时间：15:38 2023-05-07 HKT
收到请帖是否事必要「畀人情」？以下有例子可参考——楼主早前以「收到红色炸弹， 派帖同事做奶奶请饮，平时除咗工作，冇乜共同话题，唔想去，是否要畀人情？」为题，在网上「香港讨论区」发帖狂呻。
楼主帖文及网民回应：
在帖文中，楼主表示，「一返到就收到红色炸弹，派帖同事做奶奶娶新抱请饮， 唔系上司又唔系同部门，平时除咗工作，冇乜共同话题！」续称「佢派畀全公司， 我唔想去亦唔想畀人情， 因为真系除咗工作冇乜计倾！而且佢好是非，佢系后面非议过好多同事， 我是否必须要畀人情？」。
网民细读情况后，有人坚决拒送人情，有人则无奈建议守礼：
「包𠮶100蚊利是畀佢」、
「如果冇咩野，我会照畀」、
「佢张帖有冇饼卡？如果有，封番少少钱畀佢就算」、
「照收帖但唔会去同畀人情，或者可以夹张纸写祝新人白头到老回返帖畀佢」、
「畀条毛佢啦。不过见你咁惊佢，你都系畀够2000元，兼出席当同人暖下场啦，当交保护费啦你咁怕佢就」、
「是非精通常都爱攞人著数，如果你心理素质强，直接唔去，唔畀人情，或者自己会当跌一二百蚊，唔去畀少少就算」。
坚决拒送人情的网民则建议：
「唔使理」、
「直接话唔去」、
「跌咗睇唔到」、
「当冇事发生」、
「最怕呢d同事」、
「脸皮厚就无敌」、
「唔好去，唔使畀」、
「照去唔做人情，谁怕谁！」、
「普通同事请乜鬼饮呀。 打劫」、
「同佢讲，第日佢哋搞冥婚先至一次过连帛金补上」、
「呢几年我已经唔去唔畀！都知以后冇来往！何必蚀钱畀佢」、
「做奶奶派帖？仲成公司都派？明抢钱，如果唔系friend嘅话，就唔使畀面啦」。
帖文来源：香港讨论区
相关新闻：
廿岁港女为饮衫烦恼 网民经验之谈：唔使穿晚装最好著呢样......
同场加映：
大妈黐「近全裸」猛男跳有味辣舞 头枕私处舞姿超不雅
网络疯传影片，台湾一班大妈在庆典上与「近全裸」猛男跳不雅辣舞，头枕私处，舞姿劲似性交动作，在网上引来热议。
影片全长约1分39秒，地点在台湾嘉义，当时在似在日间举行庆典酒宴，一名肌肉猛男围绕著一群中年女子跳不雅辣舞。
影片记录了「近全裸」猛男与两名中年女子的不雅舞姿，现场气氛火热，当有味动作出现，众人即起哄，有人持手机拍摄，两名女子亦非常亢奋，跳完后，亦会主动打赏。
【大妈黐「近全裸」猛男辣身舞｜不雅舞姿逐格睇↓↓↓↓】
网民对事件议论纷纷，有网民认为无伤大雅，指只属庆典活动，「高兴就可以。」但有网民则认为动作太过大胆，动作非常似性交，有不道德之嫌，作为成人在公众场合应该自律。
