拜山时自爆陈年情史激嬲老婆 网民心寒：唔通鬼拍后尾枕？｜Juicy叮
发布时间：12:01 2023-04-04 HKT
清明扫墓慎终追远，也是重要的家族、家庭聚会。正所谓「有咩留返拜山先讲」，但言多必失，有港女昨日（3日）以「拜山拜到闹交，妈咪话想离婚……」为题在「香港讨论区」网页发帖，指父亲在扫墓时了说漏了嘴，自爆咸丰年前的情史，弄得母亲大人「返屋企成程车都唔讲嘢」，「返到屋企执咗几件衫去朋友屋企住几日冷静下」，接著仲想找关于离婚的资料。
由于清明节临近，有回应的网友狐疑「你阿爸鬼上身先自爆？」、「清明时节鬼拍后尾枕？」、「真系唔好拜山先讲！唔通等先人去做和事佬？」。
市民扫墓实况及网民回应：
楼主表示，「成家人寻日去咗拜山，阿爸唔小心自爆当年阿嫲逼佢娶妈咪，当时阿爸有个好钟意嘅女仔要被逼分手，阿婆同阿嫲系好好朋友，所以叫阿爸妈咪结婚等佢地嘅缘份延续落去」。
其实，妈咪由细已经暗恋阿爸，𠮶阵阿爸冇讲佢有钟意嘅人，妈咪以为佢地系情投意合，只系一齐咗1年多啲佢哋就结婚」。
楼主续指，「依家阿爸自爆之后，妈咪先知原来阿爸之前唔系真心钟意自己，觉得好伤心，返屋企成程车妈咪都唔讲嘢，返到去阿妈执咗几件衫走话佢去朋友屋企住几日冷静下先。到夜晚妈咪whatsapp问我搞离婚手续烦唔烦，可唔可以帮佢揾下资料」。
楼主慨叹「真系估唔到因为呢啲咸丰年前嘅事，阿爸阿妈依家先嚟有婚姻危机……阿爸话自己唔知点解会讲咗呢件事出嚟，隔咗咁多年就同个女仔都冇联络，依家系真心爱妈咪，都唔知点先可以帮佢哋和好，边估到拜山会搞到咁……」
网民充当家事感情专家
一听关于男女感情事，网民都充当家事专家，意见纷陈：
•「你呀爸点正女人死穴，好难搞」；
•「原来你一直都无钟意过我，系几Hurt（伤害）的」；
•「呢个世界不嬲都好无奈㗎啦，相爱嘅人唔可以喺埋一齐有乜咁出奇啫」；
•「隔咗咁多年先知自己拆散咗对情侣，呢啲秘密真系应该带入棺材……」；
•「女人真系烦，同你呀妈讲！呀爸而家无女人，你都要嘈离婚咁，我叫呀爸而家实实在在揾个女人先，咁你哋离婚就死心，唔会拖拖拉拉。好唔好？」；
•「你阿爸又系嘅。件事只有佢能解决，当追过佢啦。至紧要话一直好喜欢和感激老婆啦」；
•「女人下咗啖气再倾下啦，好简单搞嗟，女人为咗头家会好快冇事，再想张件事好d，讲笑咁同妈咪讲：老豆阉咗架啦，同唔到第二个女人搞嘢架啦，氹番妈咪啰」；
•「过到人过到自己，睇下你妈过唔过到自己啰，如果佢真系介意，结咗婚、仔女大都可以离婚姐，问题系你妈放唔放得开」。
帖文来源：香港讨论区
相关新闻：
烧纸扎手机先人唔识用？ 网民笑言：下面仲先进可能用紧冥通pay
相关新闻：
清明节前禁对付入屋飞蛾？ 港女：阿妈话系阿爷返嚟探我哋
相关新闻：
清明一家出动拜「阿哥女友啲先人」 网民4个字名正言顺推搪
相关新闻：
清明扫墓高峰期曾咀化宝需预约轮筹 网民：香港变排队港【附预约步骤】
相关新闻：
斗早扫墓？ 周日打蛇饼等车入曾咀 提早几星期拜山网民知点解......
相关新闻：
清明节热议「拜完山啲嘢唔拎返屋企食」 网民咁讲一听即明
同场加映：
劲嬲女儿做「殡仪馆守夜」 妈妈一听日薪「咁多」即变样
网络热传一段母女通话录音，女儿初踏职场，告诉妈妈找到工作了，妈妈急忙问找到什么工作，女儿答是「殡仪馆守夜」，妈妈即时嬲爆，但忽地一想：薪金多少？女儿一答，妈妈即转嬲为喜。
究竟女儿点讲？｜附殡仪馆「员工9大守则」↓↓↓↓
---
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，揾91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
