蔡天凤碎尸案|邝球称从未与蔡天凤因物业口角 租龙尾村屋因清静空气好
发布时间:15:55 2026-11-17 HKT
28岁名媛蔡天凤(Abby Choi)2023年2月疑遭杀害后肢解烹尸,蔡天凤前夫邝港智、前家翁邝球、前夫兄长邝港杰否认谋杀罪。案件踏入第39日审讯,邝球作供指从未与蔡天凤因物业而口角,蔡天凤于海南购买物业后曾用自己名义登记,因为「我飞来飞去方便啲啰处理呢啲嘢」。邝球提到自己身体不佳,忆述案发前「去到龙尾村附近,觉得𠮶个地方环境都清静啦,空气又好,可以做运动,亦都有沙滩可以游水」,遂租用龙尾村村屋。
除2022年中就重男轻女问题护妻与蔡天凤争执外
邝球回想2022年中,与谭方骏、邝港杰在加多利山单位客厅看电视时,「Abby入咗去X(幼女)𠮶个睡房⋯⋯几分钟后啦,我喺厅度听见Abby同我太太闹交」,邝球续道相信是为了喂孙女的事宜,「佢好大声闹我老婆,就话重男轻女咁嘅说话。我入咗去呢间房度,睇下发生咩事,喺房度见到Abby继续喺度闹李瑞香,好大声。我为咗维护我太太,我就话重男轻女都唔使咁大声闹,大家都有、佢又有话返我啦⋯⋯我有用粗口闹佢」,期间曾用手指戳对方肩膊。邝球坦言当时感到「嬲」,谭方骏邝港杰拉开自己,「咁我咪换衫走啰,离开单位,冇睬佢哋啲人,返返尚文苑」,邝球补充惟此前此后都从没有和蔡天凤产生口角。
从未因物业事宜与蔡天凤口角
邝球指从未和蔡天凤因物业而口角,提到蔡天凤与谭方骏结婚时,「因为Abby好早期想喺海南度买物业作投资用途,Abby就叫我可唔可以帮一帮手处理物业,同埋用我个名做呢个物业业主喺海南」。邝球交代物业由蔡天凤付款,被问及何以用其名义登记,邝球解释「信任啰大家,因为我成日都喺大陆㗎嘛,我飞来飞去方便啲啰处理呢啲嘢。过咗几年,事后Abby话物业赚咗钱要卖咗呢个物业⋯⋯张燕花介绍卖家」,出售物业后「将钱存入我大陆银行户口𠮶度,由张燕花提供2、3个大陆银行户口,叫我将卖楼得返嚟嘅钱入返落呢2、3个大陆银行户口度」,款项合共约300万元人民币。
相关新闻:
蔡天凤碎尸案|邝港杰称不见弟用武器攻击蔡天凤头部 不知伤势由何人造成
蔡天凤碎尸案|龙尾村闭路电视下行为正常伸懒腰 邝港杰:强装镇定「唔知做紧啲咩」
蔡天凤碎尸案|邝港杰称曾选择保护胞弟 因「细佬仲好后生,爸爸就大年纪啦」
觉龙尾村环境清静空气好故透过地产代理租屋
邝球交代其罹患糖尿病,2020年曾因心血管堵塞接受「通波仔」手术,置入了4个支架,每3个月要覆诊1次,医生建议控制饮食及多做运动,而且2022年曾经「生蛇」。邝球忆述2023年参观完大埔慈山寺后,「我就喺附近行、散步,去到龙尾村附近,觉得𠮶个地方环境都清静啦,空气又好,可以做运动,亦都有沙滩可以游水」。邝球又提到「大尾督停车场𠮶度有个烧烤场可以行啦,船湾𠮶度有水坝亦都可以行。我经常返大陆㗎,由大陆返大陆车程好近㗎啫,好方便」,而且「尚文苑𠮶个单位呢太细个喇,唔方便,同埋有时Damon带女朋友返来」,遂透过地产代理租用龙尾村单位。
向业主称儿子海外归来「我自己私隐咪敷衍佢讲」
邝球续指租用龙尾村村屋时,向业主称儿子从海外归来,九龙单位太小,遂租用龙尾村村屋,「呢啲系我自己嘅私隐来,咪敷衍佢求其揾啲嘢讲下啰」,另交代虽打算与李瑞香同住村屋,「但我太太唔太钟意啲村屋,可能久唔久来住一日,佢住惯加多利山,同埋睇住啲孙」。
计划于屋外设竹制围栏并冷藤植物
邝球忆述与业主沟通时问及单位装修,「喺村屋出面有个area,可以整个围栏,可以喺围栏入面烧嘢食又得同朋友,可以多个私人空间」,至于「屋内随便点装修都得」,只不可以钻墙。邝球续指对方提供了2个星期免租装修期,遂打算「喺屋出面自己用竹整个𠮶啲围栏啦,喺竹表面种𠮶啲冷藤嘅植物;单位里面睡房天花板喷啲纸折(纸模)𠮶啲彩画」。戴伟奥问到有否其他装修计划,邝球答「冇喇」。
邝球托邝港智借七人车搬家私与装修工具到龙尾村
邝球指租用单位后,为搬运装修工具及家私回龙尾村,「所以问Alex可唔可以借架七人车用下咁呀,佢话佢班朋友有车,佢负责同人借」,由邝港杰接载自己取车。邝球交代在内地有1部劳斯莱斯及1部七人车,车辆在澳门登记,用于往返内地,「Alex用得多啲啰」,邝港智想载子女及朋友赴澳及内地。
相关新闻:
蔡天凤碎尸案|邝球出庭作供:曾汇款3千万元予蔡天凤购加多利山 「单位业主用我名」
蔡天凤碎尸案|邝球:同意出售加多利山 初拒签授权书因律师提醒「老人痴呆症」才用
蔡天凤碎尸案|邝球称从未与蔡天凤因物业口角 租龙尾村屋因清净空气好
被控谋杀罪
邝港杰、邝球、邝港智同被控1项谋杀罪及1项阻止合法埋葬尸体罪。控罪指3人于2023年2月21日,在大埔汀角路龙尾村56B村屋地下内谋杀女子蔡天凤,并在2023年2月21日至23日期间,于同地阻止合法埋葬蔡天凤的尸体。三人否认谋杀罪,但承认阻止合法埋葬尸体罪。
本案以英语进行,由暂委法官祁彦辉(Brian Keith)审理,控方由外聘资深大律师郭莎乐(Charlotte Draycott)、高级助理刑事检控专员梁育珩、高级检控官林晓敏及吴希乐、检控官尹培轩代表,邝港杰由大律师Trevor Beel代表,邝球由大律师戴伟奥(Oliver Davies)代表,邝港智由大律师安华晖(Andrew Raffell) 代表。
案件编号:HCCC198/2025
法庭记者:陈子豪 黄巧儿

















